Chronic odisha
ମାଲକାନଗିରି ପଡୋଶୀ ସୁକୁମା ଜବାହର ନବୋଦୟ ବିଦ୍ୟାଳୟରେ ଜଳବାୟୁ ପରିବର୍ତ୍ତନ ବିଷୟରେ ଆଲୋଚନା ଚକ୍ର ଉଦଘାଟିତ ହୋଇଯାଇଛି ।ଏହି ଆଲୋଚନା ଚକ୍ରକୁ ବିଦ୍ୟାଳୟର ଅଧ୍ୟକ୍ଷ ବଳରାମ ଜାଟକ ସଭାପତିତ୍ୱ କରିଥିଲେ । ମୁଖ୍ୟ ଅତିଥି ରୂପେ ମାଲକାନଗିରି ମହାବିଦ୍ୟାଳୟର “ସବୁଜ ବାହିନୀ” ଅଧିକାରୀ ଡକ୍ଟର ରଞ୍ଜନ କୁମାର ସ୍ବାଇଁ ଯୋଗଦାନ କରି ଜଳବାୟୁ ପରିବର୍ତ୍ତନ ସଂକ୍ରାନ୍ତୀୟ ଆଲୋଚନା ସହିତ ବୃକ୍ଷ ରୋପଣ ପାଇଁ ଛାତ୍ରଛାତ୍ରୀ ମାନଙ୍କୁ ଆହ୍ୱାନ ଦେଇଥିଲେ । ମୁଖ୍ୟବକ୍ତା ଭାବେ ମାଲକାନଗିରି ଜିଲ୍ଲା ଯୋଜନା ଏବଂ ସଂଚାଳନ ବିଭାଗର ଉପ ନିର୍ଦ୍ଦେଶକ ଗୋଲକ ଚନ୍ଦ୍ର ଦଳାଇ ଯୋଗଦାନ କରି ବୃକ୍ଷରୋପଣ ଓ ପର୍ଯ୍ୟାବରଣ ପ୍ରତି ସଚେତନତା ଅବଲମ୍ବନ ଓ ପ୍ଲାଷ୍ଟିକ ବର୍ଜନ ଉପରେ ଗୁରୁତ୍ୱାରୋପ କରିଥିଲେ । ପ୍ରଧାନଶିକ୍ଷକ ନୀଳକଣ୍ଠ ବେହେରା ସମ୍ମାନିତ ଅତିଥି ରୂପେ ଯୋଗଦାନ କରି ପ୍ରକୃତିକୁ ସଂରକ୍ଷଣ ଏବଂ ଏହାର ରକ୍ଷାରେ ଜନସମାଜର ଦାୟିତ୍ୱ ବିଷୟରେ ଆଲୋଚନା କରିଥିଲେ । ଗଣିତ ଅଧ୍ୟାପକ ରାକେଶ କୁମାର ଓଟା ସ୍ୱାଗତ ଭାଷଣ ସହ ମଞ୍ଚ ପରିଚାଳନା କରିଥିଲେ । ଆଲୋଚନା ଚକ୍ର ଶେଷରେ କ୍ୟାମ୍ପସ ପରିସରରେ ଶତାଧିକ ଔଷଧୀୟ ବୃକ୍ଷ ରୋପଣ କରାଯାଇଥିଲା । ଏହି କାର୍ଯ୍ୟକ୍ରମରେ ରୋସନଲାଲ ସିଂ, ରୁଦ୍ର ମଜୁମଦାର, ଜି. ଭରତ, ହଂସମୁଖ ଜାଵଗିନ,ଏନ.ଭି.ରାଓ, ଲକ୍ଷ୍ମୀଧର ମାଟି ପ୍ରମୁଖ ସହଯୋଗ କରିଥିଲାବେଳେ ମହାବିଦ୍ୟାଳୟର ସମସ୍ତ ଅଧ୍ୟାପକ ଅଧ୍ୟାପିକା ଉପସ୍ଥିତ ରହି ଛାତ୍ରଛାତ୍ରୀ ମାନଙ୍କୁ ଶପଥ ପାଠ କରାଇଥିଲେ । ଶେଷରେ ସୁଶ୍ରୀ ଆରତୀ ବେହେରା ଧନ୍ୟବାଦ ଅର୍ପଣ କରିଥିଲେ ।
