Chronic odisha
ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ରାଜ୍ୟର ସୁକମା ଜିଲ୍ଲାରେ ଚାଲିଥିବା ନକ୍ସଲ ବିଲୋପ ଅଭିଯାନ ଅଧୀନରେ ଛତିଶଗଡର ନକ୍ସଲବାଦ ବିଲୋପ ଏବଂ ପୁନର୍ବାସ ନୀତି ତଥା ନୟାଦ ନେଲା ନାର ଯୋଜନା ଏବଂ ଅତ୍ୟଧିକ ସମ୍ବେଦନଶୀଳ ଆଭ୍ୟନ୍ତରୀଣ ଅଞ୍ଚଳରେ କ୍ୟାମ୍ପ ପ୍ରତିଷ୍ଠା ହେତୁ ପୋଲିସର ପ୍ରଭାବ ବଢିବାରେ ଲାଗିଛି। ନକ୍ସଲ ସଂଗଠନରେ ସକ୍ରିୟ ଥିବା ଜଣେ ମହିଳା ନକ୍ସଲ ସମେତ ୫ ନକ୍ସଲଙ୍କ ପୁଲିସ ନିକଟରେ ଆତ୍ମସମର୍ପଣ।୧.ପୋଡିୟମ୍ ବୁଦରି (ମେହେତା ଆରପିସି କେଏଏମଏସ ସଦସ୍ୟା), ୨.ମଲାମ ଦେବା (ଗୋଲାପାଲି LOS ସଦସ୍ୟ, ୧ ଲକ୍ଷ ଇନାମୀ),୩. କାରତମ ହିଡମା (ସିଙ୍ଗାରାମ ଆରପିସି ଡିକେଏମଏସ ସଭାପତି,୧ ଲକ୍ଷ ଇନାମୀ) ୪. ମାଡବି ଯୋଗା(ସିଙ୍ଗାରାମ ଆରପିସି ମିଲିସିଆ ସଦସ୍ୟ) ଏବଂ ୫. ଦୁଧୀ ଯୋଗା (ଅରଲମପାଲୀ ପଞ୍ଚାୟତ ସିଏନ୍ଏମ୍ ଉପାଧ୍ୟକ୍ଷ)। ସମସ୍ତେ ସୁକମା ଜିଲ୍ଲା ଡେପୁଟି ସୁପରିଟେଣ୍ଡେଣ୍ଟ ନକ୍ସଲ ଓପ୍ସ ସୁକମା ଏବଂ ଅନନ୍ତ ହାନ୍ସ, ସହକାରୀ କମାଣ୍ଡାଣ୍ଟ ୧୩୧ ବାହିନୀ ସିଆରପିଏଫ୍ ନିକଟରେ ଆତ୍ମସମର୍ପଣ କରିଛନ୍ତି।ଉପରୋକ୍ତ ସମସ୍ତ ଆତ୍ମସମର୍ପଣ କରିଥିବା ନକ୍ସଲମାନେ ନିଷିଦ୍ଧ ନକ୍ସଲ ସଂଗଠନରେ ଯୋଗ ଦେଇଥିଲେ ଏବଂ ପୁଲିସ୍ ପାଟ୍ରୋଲିଂ ପାର୍ଟି ଉପରେ ରୈକି କରି ଆକ୍ରମଣ, ପୁଲିସ୍ ପାର୍ଟି ଯାଉଥିବା ରାସ୍ତାରେ ସ୍ପାଇକ୍ / ବୋମା ଲଗାଇବା, ରାସ୍ତା ଖୋଳିବା, ମୁଖ୍ୟ ରାସ୍ତା ଅବରୋଧ କରିବା ଭଳି ବିଭିନ୍ନ ନକ୍ସଲ ହିଂସା ଓ କାର୍ଯ୍ୟକଳାପ ଲିପ୍ତ ଥିଲେ। ପ୍ରଶାସନ ବିରୋଧରେ ବ୍ୟାନର ଲଗାଇବା, ନକ୍ସଲ ପାମ୍ପଲେଟ୍ ବାଣ୍ଟିବା ଏବଂ ଅନ୍ୟାନ୍ୟ ହିଂସା ଘଟଣାରେ ଜଡିତ ଥିଲେ।
