Chronic odisha
ମାଲକାନଗିରି ଜିଲ୍ଲା ସୀମାନ୍ତ ସୁକୁମା ଜିଲ୍ଲା କେନ୍ଦ୍ରୀୟ ବିଦ୍ୟାଳୟ ଅଧ୍ୟକ୍ଷ ଦିନେଶ କୁମାରଙ୍କ ଅଧ୍ୟକ୍ଷତାରେ ଛାତ୍ରଛାତ୍ରୀ ମାନଙ୍କୁ ପର୍ଯ୍ୟାବରଣ ପ୍ରତି ସଚେତନ ସୃଷ୍ଟି କରିବା ପାଇଁ ତଥା ମାନନୀୟ ପ୍ରଧାନମନ୍ତ୍ରୀଙ୍କ ଦ୍ୱାରା ଆରମ୍ଭ ହୋଇଥିବା ଅଭିଯାନ “ଏକ ପେଡ ମା କେ ନାମ (ମାଁ ପାଇଁ ଗଛଟିଏ)” କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ମାଲକାନଗିରି ଜିଲ୍ଲା ଯୋଜନା ଏବଂ ସଂଚାଳନ ବିଭାଗର ଉପ ନିର୍ଦେଶକ ଗୋଲକ ଚନ୍ଦ୍ର ଦଳାଇ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ଯୋଗ ଦେଇଥିଲେ।ଶ୍ରୀ ଦଳାଇ ଛାତ୍ରଛାତ୍ରୀଙ୍କୁ ବୃକ୍ଷର ମହତ୍ୱ ବୁଝାଇ ବୃକ୍ଷ ରୋପଣ ପାଇଁ ଉତ୍ସାହିତ କରିଥିଲେ l ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଠାରୁ ଅନୁପ୍ରାଣିତ ହୋଇ ସବୁ ଛାତ୍ରଛାତ୍ରୀ ମାନେ ବୃକ୍ଷ ରୋପଣ ଏବଂ ପର୍ଯ୍ୟାବରଣ ପ୍ରତି ସଚେତନ ହୁଅନ୍ତୁ ବୋଲି ନିଜ ବକ୍ତବ୍ୟରେ କହିଥିଲେ।ଅନ୍ୟ ସମ୍ମାନୀୟ ଅତିଥି ରୂପେ ମାଲକାନଗିରି ମହାବିଦ୍ୟାଳୟର ବାଣିଜ୍ୟ ବିଭାଗ ମୁଖ୍ୟ ଡ଼ ରଞ୍ଜନ କୁମାର ସ୍ୱାଇଁ , ପ୍ରଧାନ ଶିକ୍ଷକ ନୀଳକଣ୍ଠ ବେହେରା, ହାର୍ଭେଷ୍ଟୋ କମ୍ପାନୀର ମୃତିକା ପରୀକ୍ଷଣ ପ୍ରଶିକ୍ଷକ ଯୋଗ ଦେଇ ପର୍ଯ୍ୟାବରଣ ପ୍ରତି ସମସ୍ତଙ୍କ କର୍ତବ୍ୟ ବିଷୟରେ ନିଜ ବକ୍ତବ୍ୟ ରଖିଥିଲେ।ବିଦ୍ୟାଳୟର ଶିକ୍ଷକ ଜୟଦୀପ ସିଂ, ଗିରିରାଜ ପ୍ରସାଦ ମହାରଣା ଏବଂ ମୟଙ୍କ କୁମାର ଜୈନ ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ।କାର୍ଯ୍ୟକ୍ରମ ଶେଷରେ ଛାତ୍ରଛାତ୍ରୀ, ଶିକ୍ଷକ ବୃନ୍ଦ ଏବଂ ଅତିଥି ମାନେ ମିଶି ବିଦ୍ୟାଳୟ ପରିସରରେ ବୃକ୍ଷରୋପଣ କରିଥିଲେ।
