Chronic odisha
ଅଗଷ୍ଟ ୨୭ ତାରିଖରୁ ଆଉ ମାଲକାନଗିରିକୁ ଗଡ଼ିବନି ଘରୋଇ ବସ୍ । ଏସି ଲକ୍ଷ୍ମୀ ବସ ଚଳାଚଳକୁ ବିରୋଧ କରିଛି ମାଲକାନଗିରି ଘରୋଇ ବସ ମାଲିକ ସଂଘ । ଏହାର ପ୍ରତିବାଦରେ ଜିଲ୍ଲାରେ ଘରୋଇ ବସ ଚଳାଚଳ ବନ୍ଦ ରଖିବାକୁ ନିଷ୍ପତ୍ତି ନେଇଛି । ଏସି ଲକ୍ଷ୍ମୀ ବସ୍ ଚଳାଚଳ ଯୋଗୁଁ ଘରୋଇ ବସ ସଂଘ କ୍ଷତି ସହୁଥିବା ଅଭିଯୋଗ ହୋଇଛି ।ଏହାର ପ୍ରତିବାଦରେ ଘରୋଇ ବସ ଚଳାଚଳ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ବନ୍ଦ କରିବାକୁ ନିଷ୍ପତ୍ତି ନେଇଛି ମାଲକାନଗିରି ଘରୋଇ ବସ ମାଲିକ ସଂଘ ।
ତେବେ ଏହା ପ୍ରଥମ ଥର ନୁହେଁ ଏହାପୂର୍ବରୁ ବି ଲକ୍ଷ୍ମୀ ବସ ଯୋଜନା ଆରମ୍ଭ ବେଳେ ଏହାକୁ ନେଇ ସାରା ରାଜ୍ୟରେ ତୁମ୍ବୀ ତୋଫାନ ହୋଇଥିଲା । ସାରା ରାଜ୍ୟରେ ଘରୋଇ ବସ ମାଲିକ ସଂଘ ଲକ୍ଷ୍ମୀ ବସ ଚଳାଚଳକୁ ବିରୋଧ କରିଥିଲେ । ତେବେ ପରବର୍ତ୍ତୀ ସମୟରେ ଏହାକୁ ନେଇ ଏକ ସମାଧାନର ବାଟ ବାହାର କରିଥିଲେ ତତ୍କାଳୀନ ରାଜ୍ୟ ସରକାର । ଏବେ ପୁଣି ଥରେ ଲକ୍ଷ୍ମୀ ବସକୁ ନେଇ ବିବାଦ ମୁଣ୍ଡ ଟେକିଛି, ଏଥର ମାଲକାନଗିରିରୁ ବିରୋଧାଭାଷ ଆସିଛି ।
