Chronic odisha
ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକ ଅନ୍ତର୍ଗତ ଓର୍କେଲ ଥାନା ପରିସରରେ ଆମ ପୁଲିସ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏସଡିପିଓ ଆଲେସିୟସ କିସପୋଟାଙ୍କ ତତ୍ତ୍ଵାବଧାନରେ ଥାନା ସଭାଗୃହରେ ସ୍ଥାନୀୟ ବରିଷ୍ଠ ନାଗରିକ ମାନଙ୍କୁ ନେଇ ଆମ ପୁଲିସ ସମିତି କାର୍ଯ୍ୟକ୍ରମ କରାଯାଇଥିଲା। ଏହି ଅବସରରେ ବରିଷ୍ଠ ନାଗରିକଙ୍କ ସହିତ ଅଞ୍ଚଳର ବିଭିନ୍ନ ସମସ୍ୟା , ଉପୁଜୁଥିବା ସମସ୍ୟାର ସମାଧାନ ଏବଂ ଅଞ୍ଚଳରେ ଟ୍ରାଫିକ ବ୍ୟବସ୍ଥା ସମ୍ପର୍କରେ ଆଲୋଚନା କରାଯାଇଥିଲା। ଏହା ସହିତ ଆଜିକାଲି ଯେଉଁ ଭଳି ସାଇବର ଠକେଇ ବା କ୍ରାଇମ ବୃଦ୍ଧି ପାଇଛି। କିପରି ସେହି ସାଇବର ଠକେଇରୁ ନିଜକୁ ବଞ୍ଚେଇ ପାରିବା ସେନେଇ ଉପସ୍ଥିତ ସମସ୍ତ ବରିଷ୍ଠ ନାଗରିକ ମାନଙ୍କୁ ସଚେତନତା କରାଯାଇଥିଲା। ବ୍ୟାଙ୍କ କିମ୍ବା ମେଡିକାଲରେ ବରିଷ୍ଠ ନାଗରିକଙ୍କ ପାଇଁ ସ୍ବତନ୍ତ୍ର ଧାଡ଼ିର ବ୍ୟବସ୍ଥା। ପୁଲିସ ସର୍ବଦା ଜନସାଧାରଣଙ୍କ ସେବାରେ ରହିଛି।ଯଦି କୌଣସି ଘରେ ବରିଷ୍ଠ ନାଗରିକଙ୍କୁ ନିର୍ଯାତନା ଦେବା ସୂଚନା ମିଳେ ତେବେ ପୁଲିସ ତୁରନ୍ତ ତାଙ୍କ ଘରେ ପହଁଞ୍ଚି ପଦକ୍ଷେପ ଗ୍ରହଣ କରିବ ବୋଲି ଥାନାଧିକାରୀ ଧିରେନ ପଟ୍ଟନାୟକ କହିଥିଲେ। ଶେଷରେ ଏସଡିପିଓ ଶ୍ରୀକିସପୋଟା ଏବଂ ଥାନା ଅଧିକାରୀ ଶ୍ରୀ ପଟ୍ଟନାୟକଙ୍କ ଦ୍ବାରା ଉପସ୍ଥିତ ୭୩ ଜଣଙ୍କୁ ବରିଷ୍ଠ ନାଗରିକ କାର୍ଡ ପ୍ରଦାନ କରାଯାଇଥିଲା।
