Chronic odisha
ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ରାଜ୍ୟ ନାରାୟଣପୁର ଜିଲ୍ଲାରେ ନକ୍ସଲମାନେ ବ୍ୟାନର ଓ ପୋଷ୍ଟର ଲଗାଇ କୋଲକାତାର ଆର.ଜି କର ମେଡିକାଲ କଲେଜରେ ଜଣେ ମହିଳା ଡାକ୍ତରଙ୍କୁ ବଳାତ୍କାର ଓ ପରେ ହତ୍ୟା ମାମଲାକୁ ବିରୋଧ କରି ବିଭିନ୍ନ ଅଞ୍ଚଳରେ ବ୍ୟାନର ପୋଷ୍ଟର ଲଗାଇଛନ୍ତି। ନକ୍ସଲମାନେ ଓର୍ଛା ରାସ୍ତାରେ ଥିବା ପିଙ୍ଗୁଣ୍ଡା ନଦୀ ନିକଟରେ ଏହି ବ୍ୟାନର ଏବଂ ପୋଷ୍ଟର ଲଗାଇଛନ୍ତି। ଯେଉଁଥିରେ ସେମାନେ କୋଲକାତା ବଳାତ୍କାର ଏବଂ ହତ୍ୟା ମାମଲାର ଅପରାଧୀଙ୍କୁ ଯଥାଶୀଘ୍ର ଫାଶୀ ଦେବାକୁ ଦାବି କରିଛନ୍ତି। ଏହା ବ୍ୟତୀତ ବସ୍ତର ଅଞ୍ଚଳରେ ଚାଲିଥିବା ନକ୍ସଲ ଅପରେସନ ସମ୍ପର୍କରେ ବ୍ୟାନର ପୋଷ୍ଟର ମାଧ୍ୟମରେ ନକ୍ସଲମାନେ ଉଲ୍ଲେଖ କରିଛନ୍ତି।
ଛତିଶଗଡକୁ ନକ୍ସଲ ମୁକ୍ତ କରିବା ପାଇଁ ସରକାରଙ୍କ ଦ୍ୱାରା ଚାଲିଥିବା ଅଭିଯାନ ସମ୍ପର୍କରେ ନକ୍ସଲମାନେ ରାଜନେତା, ମନ୍ତ୍ରୀ ତଥା ପୁଞ୍ଜିପତିଙ୍କ ଚାପ ଯୋଗୁଁ ମାଓବାଦୀଙ୍କୁ ହତ୍ୟା ବନ୍ଦ କରିବାକୁ ସୁରକ୍ଷା ବାହିନୀକୁ ନିବେଦନ କରିଛନ୍ତି। ଏହା ବ୍ୟତୀତ ନକ୍ସଲମାନେ ସରକାରଙ୍କୁ ପ୍ରାକୃତିକ ସମ୍ପତ୍ତିକୁ ପୁଞ୍ଜିପତିମାନଙ୍କୁ ହସ୍ତାନ୍ତର କରିଥିବା ଅଭିଯୋଗ କରିଛନ୍ତି ଏବଂ ପ୍ରାକୃତିକ ଐତିହ୍ୟର ସୁରକ୍ଷା ପାଇଁ ମଧ୍ୟ ଉଲ୍ଲେଖ କରିଛନ୍ତି।
ନାରାୟଣପୁର ଜିଲ୍ଲାର ଛୋଟେଡୋଙ୍ଗର ଥାନା ଅଞ୍ଚଳରେ ନକ୍ସଲ ମାନେ ବ୍ୟାନର ପୋଷ୍ଟର ଲଗାଇ ବିରୋଧ କରିଛନ୍ତି। ଏହି ଅଞ୍ଚଳରେ ବ୍ୟାନର ଏବଂ ପୋଷ୍ଟର ମିଳିବା ପରେ ସୁରକ୍ଷା ବାହିନୀ ତୁରନ୍ତ ସର୍ଚ୍ଚ ଅପରେସନ ଆରମ୍ଭ କରିଛନ୍ତି। ଘଟଣା ସ୍ଥଳରେ ସୁରକ୍ଷା ବାହିନୀ ନିୟୋଜିତ କରାଯାଇଛି। ବ୍ୟାନର ଏବଂ ପୋଷ୍ଟରକୁ ପୁଲିସ ଦ୍ୱାରା ଜବତ କରାଯାଇଛି। ଏହା ସହିତ ଉକ୍ତ ଅଞ୍ଚଳରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।
