Chronic odisha
ମାଲକାନଗିରି(କ୍ରୋନିକ ଓଡ଼ିଶା)ଗୁରୁବାର ଜାତୀୟ ପିତା ମହାତ୍ମା ଗାନ୍ଧୀଙ୍କ ଶ୍ରାଦ୍ଧଦିବସ ସ୍ମୃତିରେ ସରକାରୀ ସ୍ନାତକ ମହାବିଦ୍ୟାଳୟ ଚିତ୍ରକୋଣ୍ଡା ଠାରେ ‘ଶହୀଦ ଦିବସ -୨୦୨୫ ‘ ପାଳିତ ହୋଇଯାଇଛି। ଏହି ଅବସରରେ ଅଧ୍ୟକ୍ଷ, ସମସ୍ତ ଅଧ୍ୟାପକ ଅଧ୍ୟାପିକା ଏବଂ ଛାତ୍ରଛାତ୍ରୀ ଉପସ୍ଥିତିରେ ଦୁଇ ମିନିଟ୍ର ନୀରବ ପ୍ରାର୍ଥନା କରାଯାଇଥିଲା। ଅଧ୍ୟକ୍ଷ ଡକ୍ଟର ଚିନ୍ମୟ କୁମାର ବେହେରାଙ୍କ ସଭାପତିତ୍ବରେ ଏକ ସଭା ମଧ୍ୟ ଆୟୋଜନ କରାଯାଇଥିଲା। ଯେଉଁଥିରେ ଗାନ୍ଧିଜୀଙ୍କ ସରଳ ଜୀବନ , ଦେଶ ସ୍ବାଧୀନ କରାଇବାରେ ଭୂମିକା , ସେବା, ତ୍ୟାଗ ଏବଂ ମହନୀୟତା ସମ୍ପର୍କରେ ବିଶେଷ ଆଲୋଚନା କରାଯାଇଥିଲା। ଇତିହାସ ବିଭାଗ ଅଧ୍ୟାପକ ଜଗନ୍ନାଥ ଦାସ , ରାଜନୀତି ବିଭାଗ ଅଧ୍ୟାପିକା ସସ୍ମିତା ଖରା,ଶିକ୍ଷା ବିଭାଗର ଅଧ୍ୟାପିକା ମୋନାଲିସା ବାଘ୍, ଇଂରାଜୀ ବିଭାଗର ଅଧ୍ୟାପିକା ସ୍ମାଇଲ ବୈଷ୍ଣବ ପ୍ରମୁଖ ଏହି ସଭାରେ ଯୋଗ ଦେଇ ଛାତ୍ରଛାତ୍ରୀଙ୍କୁ ସମ୍ବୋଧିତ କରିଥିଲେ।
