Chronic odisha
ମାଲକାନଗିରି(କ୍ରୋନିକ ଓଡ଼ିଶା)ଜମିଜମା ବିବାଦକୁ କେନ୍ଦ୍ର କରି ବଡ ଭାଇର ଟାଙ୍ଗିଆ ଚୋଟରେ ସାନ ଭାଇ ମୃତ। ଏଭଳି ଅଭାବନୀୟ ଘଟଣା ମାଲକାନଗିରି ଜିଲ୍ଲା କାଲିମେଳା ଥାନା ଅନ୍ତର୍ଗତ ତାଟିଗୁଡା ଗ୍ରାମରେ ଦେଖିବାକୁ ମିଳିଛି। ମୃତ୍ୟୁ ବରଣ କରିଥିବା ସାନ ଭାଇ ଜଣଙ୍କ ହେଲେ ୪୫ ବର୍ଷୀୟ ଭିମା ସୋଡି।କାଲିମେଳା ଥାନା ଅଧୀନସ୍ଥ ଗୁମୁକା ପଞ୍ଚାୟତ ଅନ୍ତର୍ଗତ ତାଟିଗୁଡା ଗ୍ରାମର ଘଟଣା। ଏହି ଘଟଣାରୁ ଜଣାପଡିଛି ଦୁଇ ଭାଇଙ୍କ ମଧ୍ୟରେ ଜମି ଜୁମାକୁ କେନ୍ଦ୍ର କରି ପ୍ରଥମେ ବଚସା ଏବଂ ପରେ ଏହା ଉଗ୍ର ରୂପ ନେଇ ହତ୍ୟାକାଣ୍ଡରେ ପରିଣତ ହୋଇଥିଲା। ତେବେ ଥାନା ଅଧିକାରୀ ଚନ୍ଦ୍ର କାନ୍ତ ତାଣ୍ଡିଙ୍କ ସୂଚନା ଅନୁଯାଇ ବଡ଼ ଭାଇ ମାଡା ସୋଡି ଏବଂ ସାନ ଭାଇ ଭିମାଙ୍କ ମଧ୍ୟରେ ଗତ କାଲି ରାତିରେ ଜମି ଜମାକୁ କେନ୍ଦ୍ର କରି ଭିଷଣ ଝଗଡା ହୋଇଥିଲା। ଆଜି ଅପରାହ୍ନ ତିନିଟା ସମୟରେ ଜମିରେ ଥିବା ଲାଡୀରେ ସାନ ଭାଇ ଭିମାଙ୍କ ରକ୍ତ ଜୁଡୁ ବୁଡୁ ଅବସ୍ଥାରେ ମୃତଦେହ ପଡି ଥିବା ପରିବାର ବର୍ଗ ଦେଖିଥିଲେ।ପୁଲିସ ଖବର ପାଇ ଘଟଣା ସ୍ଥଳେ ଥାନା ଅଧିକାରୀ ସମେତ ଅନ୍ୟ କର୍ମଚାରୀ ମାନେ ପହଞ୍ଚି ତଦନ୍ତ କରିବା ଶହ ଅଭିଯୁକ୍ତ ଭାଇକୁ ଗିରଫ କରିଥଲେ। ହତ୍ୟାରେ ବ୍ୟବହାର ହୋଇଥିବା ଟାଙ୍ଗିଆଟିକୁ ମଧ୍ୟ ଜବଦ କରିଛି ପୁଲିସ। କୋରାଫୁଟରୁ ସାଇଣ୍ଟିଫିକ ଟିମ ଆସି ତଦନ୍ତ କରିଛି।ଆସନ୍ତା କାଲି ଶବ ଵେବଛେଦ ହେବ ବୋଲି ଥାନା ଅଧିକାରୀ ଶ୍ରୀତାଣ୍ଡି ସୂଚନା ଦେଇଛନ୍ତି।
