Chronic odisha
ମାଲକାନଗିରି(କ୍ରୋନିକ ଓଡ଼ିଶା)ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ରାଜ୍ୟର ସୁକୁମା ଜିଲ୍ଲା ଚିନ୍ତଲନାର ଥାନା ଅନ୍ତର୍ଗତ ତିମ୍ମାପୁର ଗାଁରେ ନକ୍ସଲମାନଙ୍କ ଦ୍ୱାରା ଖଞ୍ଜା ଯାଇଥିବା ଆଇଇଡି(ଲ୍ୟାଣ୍ଡମାଇନ)ସଂସ୍ପର୍ଶରେ ଆସି ଜଣେ ଝିଅ ଗୁରୁତର ଆହତ ହୋଇଥିବା ସୂଚନା। ଏହି ଘଟଣାକୁ ଚିନ୍ତଲନାର ପୁଲିସ ସୁନିଶ୍ଚିତ କରିଛି।
ପ୍ରାରମ୍ଭିକ ସୂଚନା ଅନୁଯାୟୀ, ୧୨/୦୧/୨୦୨୫ ସନ୍ଧ୍ୟାରେ ନକ୍ସଲମାନଙ୍କ ଦ୍ୱାରା ଖଞ୍ଜା ଯାଇଥିବା ଆଇଇଡି ବିସ୍ଫୋରଣରେ ତିମ୍ମାପୁର ଗ୍ରାମର ସୋଡି ମଲେ(୧୦) ନାମ୍ନୀ ଜଣେ ଶିଶୁ କନ୍ୟା ଗୁରୁତର ଆହତ ହୋଇଥିବା ଜଣାପଡିଛି।ଝିଅଟିକୁ ତୁରନ୍ତ ପ୍ରାଥମିକ ଚିକିତ୍ସା ଯୋଗାଇ ଦିଆଯାଇଛି। ତେବେ ନକ୍ସଲମାନଙ୍କ ଦ୍ୱାରା ମନଇଚ୍ଛା ଆଡେ ସାଡେ ଖଞ୍ଜାଯାଇଥିବା ଆଇଇଡି ଯୋଗୁଁ ନିରୀହ ଗ୍ରାମବାସୀ ବାରମ୍ବାର ଆହତ ହେବାର ଅନେକ ଘଟଣା ନିରନ୍ତର ପ୍ରକାଶ ପାଇବାରେ ଲାଗିଛି।ଏହି ମାମଲାରେ ଚିନ୍ତାଲନାର ପୁଲିସ ଥାନାରେ ଏକ ଫୌଜଦାରୀ ମାମଲା ରୁଜୁ କରାଯିବା ସହ ଚିନ୍ତଲନାର ପୁଲିସ ତଦନ୍ତ ପ୍ରକ୍ରିୟା ଜାରି ରଖିଛି।
