Chronic odisha
ମାଲକାନଗିରି(କ୍ରୋନିକ ଓଡ଼ିଶା)ଆଜି ସନ୍ଧ୍ୟା ୭ ଟା ସମୟରେ ମାଲକାନଗିରି ଜିଲ୍ଲା ବାଲିମେଳା ସହରର ସମସ୍ତ ଚର୍ଚ୍ଚ ମିଳିତ ଆନୁକୁଲ୍ୟରେ ଏକ କ୍ୟାଣ୍ଡେଲ ଶୋଭାଯାତ୍ରା ଅନୁଷ୍ଠିତ ହୋଇଥିଲା। ଏହି ଶୋଭାଯାତ୍ରାଟି ରେ ମୁଖ୍ୟ ଅତିଥି ଭାବେ ଚିତ୍ରକୋଣ୍ଡା ବିଧାୟକ ମଙ୍ଗୁ ଖିଲ ଯୋଗ ଦେଇ ସମସ୍ତ ଖ୍ରୀଷ୍ଟ ଧର୍ମର ଭାଇ ଭଉଣୀ ଙ୍କ ମଙ୍ଗଳ କାମନା କରିବା ସହ ସେ ସେମାନଙ୍କର ସମସ୍ତ ସୁଖଦୁଃଖରେ ସାମିଲ ହେବେ ବୋଲି ପ୍ରତିଶ୍ରୁତି ଦେଇଥିଲେ। ଏହି କ୍ୟାଣ୍ଡେଲ ଯାତ୍ରାଟି ନୂଆ ସାହି ସ୍ଥିତ ବେରସେବା ଚର୍ଚ୍ଚରୁ ଆରମ୍ଭ ହୋଇ ଗୋପବନ୍ଧୁ ଛକ ଦେଇ କାଳୀ ଛକ, ମେଡ଼ିକାଲ କଲୋନୀ, ବସ ଷ୍ଟାଣ୍ଡ ଛକ ଦେଇ ଡ୍ରଗ ଲାଇନ୍ ସ୍ଥିତ ଜେଇଏଲ୍ ଚର୍ଚ୍ଚ ଠାରେ ଏହି ଯାତ୍ରା ଶେଷ ହୋଇଥିଲା। ଆଜିର ଏହି କ୍ୟାଣ୍ଡେଲ ଯାତ୍ରାରେ ବରିଷ୍ଠ ନାଗରିକ ରାଜେନ୍ଦ୍ର କୂଳଦୀପ, ବିଧାୟକ ପ୍ରତିନିଧି ଇସାକ୍ ଖୋସଲା ଏବଂ ସମସ୍ତ ଚର୍ଚ୍ଚର ପାସ୍ଟର ଙ୍କ ସମେତ ହଜାରରୁ ଉର୍ଦ୍ଧ୍ବ ଖ୍ରୀଷ୍ଟଧର୍ମୀ ଲୋକେ ଉପସ୍ଥିତ ରହି କ୍ୟାଣ୍ଡେଲ ଧରି ଯୀଶୁଙ୍କ ଗାନ କରି ନଗର ପରିକ୍ରମା କରିଥିଲେ।
