୨ ଲକ୍ଷ ଇନାମି ଛତିଶଗଡି କ୍ୟାଡ଼ର ମହିଳା ନକ୍ସଲ ଗିରଫ।

ମାଲକାନଗିରି(କ୍ରୋନିକ ଓଡ଼ିଶା)ମାଲକାନଗିରି ଜିଲ୍ଲା ପୋଲିସକୁ ବଡ଼ ସଫଳତା । ଦୁଇ ଲକ୍ଷ ଇନାମି ଛତିଶଗଡି କ୍ୟାଡ଼ର ମହିଳା ନକ୍ସଲ ଆନ୍ତି ମାଡବି(୨୯) ଓରଫ ଲାକେକୁ ଗିରଫ କରିଛି ମାଲକାନଗିରି ଜିଲ୍ଲା ପୁଲିସ। ମାଲକାନଗିରି ଜିଲ୍ଲା ଏମଭି ୭୯ ଥାନା ଅନ୍ତର୍ଗତ କୁର୍ତ୍ତୀ ଜଙ୍ଗଲରୁ ଗିରଫ ହୋଇଛନ୍ତି ମାଓନେତ୍ରୀ ଲାକେ । ସେ ଦୀର୍ଘ ବର୍ଷ ଧରି ବରିଷ୍ଠ ମାଓ ନେତା ଉଦୟଙ୍କ ସୁରକ୍ଷା ଟିମ୍ ସଦସ୍ୟା ଭାବେ ସକ୍ରୀୟ ଥିଲେ । ମାଓନେତ୍ରୀ ଲାକେଙ୍କ ମୁଣ୍ଡ ଉପରେ ଉଭୟ ଓଡ଼ିଶା ଛତିଶଗଡ ରାଜ୍ୟ ସରକାରଙ୍କ ଦ୍ବାରା ୨ ଲକ୍ଷ ଟଙ୍କା ଲେଖାଁଏ ପୁରସ୍କାର ଘୋଷିତ ଥିଲା। ଲାକେ ଓଡ଼ିଶା, ଆନ୍ଧ୍ରପ୍ରଦେଶ, ଛତିଶଗଡ଼ ତିନି ରାଜ୍ୟରେ ଅନେକ ମାଓ ହିଂସାରେ ଜଡିତ ଥିବାବେଳେ ୧୧ଟି ଏନକାଉଣ୍ଟର ଘଟଣାରେ ମଧ୍ୟ ସାମିଲ ଥିଲେ। ବିଶେଷ କରି ଓଡ଼ିଶାର ମାଲକାନଗିରି ଜିଲ୍ଲା ମାଥିଲି ଥାନା ଅଧିନସ୍ଥ ମାଓଗଡ଼ ତୁଳସି ଓ ଦୁଲଦୁଲି ପାହାଡ଼ରେ ପୋଲିସ ସହିତ ଏନକାଉଣ୍ଟରରେ ସାମିଲ ଥିଲେ।ଛତିଶଗଡ଼ ରାଜ୍ୟର ୫ଟି, ଆନ୍ଧ୍ରପ୍ରଦେଶର ଦୁଇଟି ଏନକାଉଣ୍ଟର ଘଟଣାରେ ସାମିଲ ଥିବା ଦକ୍ଷୀଣ ପିଶ୍ଚିମାଞ୍ଚଳ ଡିଆଇଜି ନିତି ଶେଖର ଗଣମାଧ୍ୟମକୁ ସୂଚନା ଦେଇଛନ୍ତି । ଆଜି ମାଲକାନଗିରି ଜିଲ୍ଲା ପୋଲିସ ମୁଖ୍ୟ କାର୍ଯ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀରେ ଗିରଫ ମାଓ ନେତ୍ରୀ ଆନ୍ତି ମାଡିବିକୁ ପ୍ରଦର୍ଶନ କରି ଡିଆଇଜି ନୀତି ଶେଖର ସମସ୍ତ ସୂଚନା ଦେବା ସହ ଖୁବଶୀଘ୍ର ମାଲକାନଗିରି ଜିଲ୍ଲା ମାଓମୁକ୍ତ ହେବ। ବର୍ତ୍ତମାନ ଗୁଇନ୍ଦା ବିଭାଗକୁ ଆକ୍ଟିଭ କରାଯାଇଛି । ଦୁର୍ଗମ ଓ ଗ୍ରାମାଞ୍ଚଳରୁ ସେମାନେ ବିଭିନ୍ନ ପ୍ରକାର ତଥ୍ୟ ସଂଗ୍ରହ କରୁଛନ୍ତି । ଜିଲ୍ଲାର ବିଭିନ୍ନ ମାଓ ପ୍ରବଣ ଅଞ୍ଚଳ ଗୁଡିକରେ ନିୟମିତ ଭାବେ ଜିଲ୍ଲା ପୁଲିସ,ଏସଓଜି, ଡିଭିଏଫ ଏବଂ ବିଏସଏଫ ଯବାନଙ୍କ ଦ୍ୱାରା କୁମ୍ବିଂ ଓ ସର୍ଚ୍ଚ ଅପରେସନ ଜାରି ରହିଛି। ଆନ୍ଧ୍ର ଓ ଛତିଶଗଡ଼ ସୀମାନ୍ତ ସିଲ କରାଯାଇ ବ୍ୟାପକ ଭାବେ ଯାନବାହାନ ଯାଞ୍ଚ ଓ ତଲାସି ଅଭିଯାନ ଚାଲୁ ରହିଛି ବୋଲି ଡିଆଇଜି କହିଛନ୍ତି। ଅନ୍ୟ ମାନଙ୍କ ମଧ୍ୟରେ ଅତିରିକ୍ତ ଏସପି ତପନ ନାରାୟଣ ରଥ, ଏସଡିପିଓ ସଚିନ ପାଟିଲ, ଅତିରିକ୍ତ ଏସପି ରାଜ କିଶୋର ଦାଶ ପ୍ରମୁଖ ପୁଲିସ ଅଧିକାରୀ ଉପସ୍ଥିତ ଥିଲେ।

  • Related Posts

    ସାହସିକତାର ଏକ ଉଦାହରଣ: କାରେଗୁଟ୍ଟା ଅପରେସନରେ ଆସିଷ୍ଟାଣ୍ଟ କମାଣ୍ଡାଣ୍ଟ ସାଗର ବୋରାଡେ ହରାଇଲେ ବାମ ଗୋଡ।

    ମାଲକାନଗିରି:ନିରଞ୍ଜନ ମଲ୍ଲ(କ୍ରୋନିକ ଓଡ଼ିଶା)କାରେଗୁଟ୍ଟା ଅପରେସନ୍ ମଧ୍ୟରେ ଯେତେବେଳେ ଜଣେ ସାଥି ଯବାନ ଲ୍ୟାଣ୍ଡମାଇନ ବିସ୍ଫୋରଣରେ ଗୁରୁତର ଆହତ ହୋଇଥିଲେ ସେତେବେଳେ ସାଗର ବୋରାଡେ କମାଣ୍ଡାଣ୍ଟଙ୍କ ନିର୍ଦ୍ଦେଶକୁ ଖାତିର ନକରି ଆହତ ଯବାନଙ୍କୁ ସୁରକ୍ଷିତ ସ୍ଥାନକୁ ନେବାକୁ ଚେଷ୍ଟା କରୁଥିବା ସମୟରେ ଆଉ…

    ନକ୍ସଲପନ୍ଥିଙ୍କ ଶ୍ମଶାନ ପାଲଟିଲା କରେଗୁଟ୍ଟା ପାହାଡ – ଯବାନଙ୍କ ଜୋରଦାର ଆକ୍ରମଣ ; ୨୦ ରୁ ଉର୍ଦ୍ଧ୍ୱ ନକ୍ସଲ ନିପାତ।

    ମାଲକାନଗିରି:ନିରଞ୍ଜନ ମଲ୍ଲ(କ୍ରୋନିକ ଓଡ଼ିଶା)ମାଲକାନଗିରି ସୀମାନ୍ତ ଛତିଶଗଡ଼ ରାଜ୍ୟର ବିଜାପୁର ଜିଲ୍ଲା ଏବଂ ତେଲେଙ୍ଗାନା ସୀମାବର୍ତ୍ତି କରେଗୁଟ୍ଟା ପାହାଡ଼ରେ ଚାଲିଥିବା ବୃହତ୍ତର ନକ୍ସଲ ଅପରେସନର ୧୬ତମ ଦିନରେ ସୁରକ୍ଷା ବାହିନୀ ଏପର୍ଯ୍ୟନ୍ତ ସବୁଠାରୁ ବଡ଼ ସଫଳତା ହାସଲ କରିଛି। ବୁଧବାର ସକାଳେ ହୋଇଥିବା…

    Leave a Reply

    Your email address will not be published. Required fields are marked *

    You cannot copy content of this page