Chronic odisha
ମାଲକାନଗିରି ଜିଲ୍ଲା ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟର ଦିତୀୟ ବାର୍ଷିକ ଛାତ୍ରୀମାନଙ୍କ ଦ୍ୱାରା ନବାଗତ +୨ ପ୍ରଥମ ବର୍ଷ ଛାତ୍ରୀମାନଙ୍କୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି। ବିଦ୍ୟାଳୟର ଅଧ୍ୟକ୍ଷ ଦୁଷ୍ମନ୍ତ ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସ୍ୱାଗତ ସମ୍ବର୍ଦ୍ଧନା ସଭାରେ ନବାଗତ ଛାତ୍ରୀମାନଙ୍କୁ ବୈଦିକ ପ୍ରକ୍ରିୟାରେ ଫୁଲ ଚନ୍ଦନ ଦେଇ ସ୍ୱାଗତ କରାଯାଇଥିଲା। ଉପସ୍ଥିତ ସମସ୍ତ ଅଧ୍ୟାପକ ଅଧ୍ୟାପିକାମାନଙ୍କ ଦ୍ୱାରା ପ୍ରଭୁ ଶ୍ରୀ ଜଗନ୍ନାଥଙ୍କୁ ପୁଷ୍ପମାଲ୍ୟ ଅର୍ପଣ ଏବଂ ପ୍ରଦୀପ ପ୍ରଜ୍ୱଳନ କରାଯାଇଥିଲା। ସମ୍ବର୍ଦ୍ଧନା ସଭା ଆରମ୍ଭରୁ ଛାତ୍ରୀଙ୍କ ଦ୍ବାରା ସ୍ୱାଗତ ସଙ୍ଗୀତ ପରିବେଷଣ କରାଯାଇଥିଲା। ଅଧ୍ୟକ୍ଷ ଶ୍ରୀଜେନା ବକ୍ତବ୍ୟ ମାଧ୍ୟମରେ ଉଚ୍ଚ ଶିକ୍ଷା ଗ୍ରହଣକରି ଉତ୍ତମ ଚରିତ୍ର ଗଠନ, ସୁନାଗରିକ ହୋଇ ସମାଜ କଲ୍ୟାଣରେ ନିର୍ଣାୟକ ଭୁମିକା ଗ୍ରହଣ କରିବା ନବାଗତ ଛାତ୍ରୀଙ୍କୁ ପରାମର୍ଶ ଦେଇଥିଲେ।ଅନ୍ୟ ମାନଙ୍କ ମଧ୍ୟରେ ମଧୁମିତା ମହାନ୍ତି, ଶ୍ରୀକାନ୍ତ ସାମଲ, ପ୍ରଶାନ୍ତ ଶତପଥୀ ସ୍ୱାଗତ ସମ୍ବର୍ଦ୍ଧନା ସଭାର ତାତ୍ପର୍ଯ୍ୟ ଓ ବିଦ୍ୟାଳୟରେ ଶାନ୍ତିଶୃଙ୍ଖଳା ସହିତ ଅଧ୍ୟୟନ କରିବା ପ୍ରଥମ କର୍ତ୍ତବ୍ୟ ବୋଲି କହିଥିଲେ।ପରିଶେଷରେ ସାଂସ୍କୃତିକକାର୍ଯ୍ୟକ୍ରମ ପରିବେଶଣ କରାଯାଇଥିଲା।ବିଦ୍ୟାଳୟର ଛାତ୍ରୀ ଅଙ୍କିତା ମଣ୍ଡଳ କାର୍ଯ୍ୟକ୍ରମଟିକୁ ପରିଚାଳନା କରିଥିବା ବେଳେ ଅଧ୍ୟାପକ ସମୀର ନାୟକ, ସୁନାଧର ପୁଜାରୀ, ସାମନ୍ତ ମାଝି, ଗାୟତ୍ରୀ ଜେନା ଜ୍ୟୋତୀର୍ମୟୀ ରାଉତ କାର୍ଯ୍ୟକ୍ରମରେ ସହଯୋଗ କରିଥିଲେ।
