Chronic odisha
ମାଲକାନଗିରି:ନିରଞ୍ଜନ ମଲ୍ଲ(କ୍ରୋନିକ ଓଡ଼ିଶା)ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ ରାଜ୍ୟ ପଡୋଶୀ ରାଜ୍ୟ ତେଲେଙ୍ଗାନାରେ ୮୬ ଜଣ ମାଓବାଦୀ ଅସ୍ତ୍ରଶସ୍ତ୍ର ସହ ମାଓ ସଂଗଠନ ହାତ ଛାଡି ପୋଲିସ ନିକଟରେ ଆତ୍ମସମର୍ପଣ କରିଛନ୍ତି। ପ୍ରାପ୍ତ ସୂଚନାନୁସାରେ ତେଲେଙ୍ଗାନା ରାଜ୍ୟ କୋଥାଗୁଡେମର ହେମଚନ୍ଦ୍ରପୁରମ୍ ପୋଲିସ ମୁଖ୍ୟାଳୟରେ ପହଞ୍ଚି ଭଦ୍ରାଦ୍ରୀ କୋତାଗୁଡେମ୍ ମଲ୍ଟି ଜୋନ୍ -1 ଆଇଜି ଚନ୍ଦ୍ରଶେଖର ରେଡ୍ଡୀଙ୍କ ନିକଟରେ ୮୬ ଜଣ ମାଓବାଦୀ ଆତ୍ମସମର୍ପଣ କରିଛନ୍ତି। ଭଦ୍ରାଦ୍ରି, କୋତାଗୁଡେମ୍ ଏବଂ ମୁଲୁଗୁ ଜିଲ୍ଲାରେ ପୋଲିସ ସମ୍ମୁଖରେ ଆତ୍ମସମର୍ପଣ କରିଥିବା ୮୬ ଜଣ ମାଓବାଦୀ ସଦସ୍ୟ ସମସ୍ତେ ଛତିଶଗଡ଼ ରାଜ୍ୟ ସୁକୁମା ଜିଲ୍ଲାର ବୋଲି ଜଣାପଡ଼ିଛି। ମୋଟ ୮୬ ଜଣ ମାଓବାୀଙ୍କ ମଧ୍ୟରୁ ୬୬ ଜଣ ପୁରୁଷ ଏବଂ ୨୦ ଜଣ ମହିଳା ଅଛନ୍ତି। ଆଇଜି ଚନ୍ଦ୍ରଶେଖର ରେଡ୍ଡୀ କହିଛନ୍ତି ଯେ ତେଲେଙ୍ଗାନା ସରକାରଙ୍କ ଦ୍ୱାରା ଆରମ୍ଭ ହୋଇଥିବା ଅପରେସନ ଚେୟୁଥା ଅଭିଯାନ ସମୟରେ ମାଓବାଦୀମାନେ ଆତ୍ମସମର୍ପଣ କରିଛନ୍ତି। ଆତ୍ମସମର୍ପଣ କରିଥିବା ମାଓବାଦୀଙ୍କୁ ତୁରନ୍ତ ସହାୟତା ସ୍ୱରୂପ 25,000 ଟଙ୍କା ପ୍ରୋତ୍ସାହନ ରାଶି ପ୍ରଦାନ କରାଯାଇଛି।
