ତେଲେଙ୍ଗାନାରେ ବଡ ଧରଣର ଏନକାଉଣ୍ଟରରେ ୭ ମାଓବାଦୀ ନିହତ ।

ମାଲକାନଗିରି(କ୍ରୋନିକ ଓଡ଼ିଶା)ମାଲକାନଗିରି ସୀମାନ୍ତ ତେଲେଙ୍ଗାନା ଅଞ୍ଚଳରେ ଆଜି ସକାଳ ତେଲେଙ୍ଗାନା ରାଜ୍ୟ ସୀମାରେ ସୁରକ୍ଷା ବାହିନୀ ଏବଂ ନକ୍ସଲମାନଙ୍କ ମଧ୍ୟରେ ଏକ ବଡ଼ ମୁକାବିଲା ହୋଇଥିଲା।ଗ୍ରେହାଉଣ୍ଡ ଜବାନ ମାନେ ମାଓ ବିରୋଧୀ ଅପରେସନ କରିଥିଲେ।ଏହି ଏନକାଉଣ୍ଟରରେ ୭ ଜଣ ନକ୍ସଲ ନିହତ ହୋଇଥିବା ବେଳେ ଘଟଣା ସ୍ଥଳରୁ AK-47 ସମେତ ଅନେକ ଅସ୍ତ୍ରଶସ୍ତ୍ର ଯବାନଙ୍କ ଦ୍ଵାରା ଉଦ୍ଧାର କରାଯାଇଛି।ଏକ ସୂଚନା ଅନୁଯାୟୀ ମାଓବାଦୀଙ୍କ ଏକ ସମୂହ ମୁଲୁଗୁ ଜିଲ୍ଲାର ଚଲାପକା ଜଙ୍ଗଲରେ ଏକାଠି ହୋଇ କିଛି ବଡ ଘଟଣା ଘଟାଇବାକୁ ଯୋଜନା କରିଥିବା ସୂଚନା ପାଇ ରବିବାର ପୂର୍ବାହ୍ନ ପ୍ରାୟ 5.30 ସମୟରେ ସୁରକ୍ଷା ବାହିନୀ ଇଟର୍ନଗରାମ ମଣ୍ଡଳର ଚାଲାପାକା ଜଙ୍ଗଲରେ ମାଓବାଦୀଙ୍କ ସହ ମୁହାଁମୁହିଁ ହୋଇଥିଲେ।ଜବାନଙ୍କୁ ଦେଖି ମାଓବାଦୀ ମାନେ ଗୁଳି ବର୍ଷଣ କରିଥିଲେ।ଉଭୟ ପାର୍ଶ୍ୱରୁ ଗୁଳି ବିନିମୟରେ ୭ ଜଣ ନକ୍ସଲଙ୍କ ମୃତ୍ୟୁ ହୋଇଥିଲା। ଜବାନ ମାନେ ନକ୍ସଲମାନଙ୍କ ମୃତଦେହ ଉଦ୍ଧାର କରିବା ସହିତ ଗୋଟିଏ AK-47 ସମେତ ଅନେକ ଅସ୍ତ୍ରଶସ୍ତ୍ର ମଧ୍ୟ ଘଟଣା ସ୍ଥଳରୁ ଉଦ୍ଧାର କରାଯାଇଛି। ଏହି ଏନକାଉଣ୍ଟରରେ ନିହତ ମାଓବାଦୀଙ୍କୁ ଚିହ୍ନଟ କରାଯାଇଛି। ମୃତ ମାଓବାଦୀଙ୍କ ମଧ୍ୟରେ ମାଓବାଦୀଙ୍କ ତେଲେଙ୍ଗାନା ରାଜ୍ୟ କମିଟି ସଦସ୍ୟ (ଟିଏସସିଏମ) କରସାମ ମାଙ୍ଗୁ ଛଦ୍ମନାମ ବଦ୍ରୁ, ବିଭାଗୀୟ କମିଟି ସଦସ୍ୟ (ଡିଭିଏସଏମ) ମଧୁ, କ୍ଷେତ୍ର କମିଟି ସଦସ୍ୟ (ଏସିଏମ୍) ମୁଚାକି ଦେବଲ, ଜୟସିଂହ, କିଶୋର ପାର୍ଟି ସଦସ୍ୟ ତଥା କାମଶ ପାର୍ଟି ସଦସ୍ୟ ରହିଥିବା ବେଳେ ଅନ୍ୟ ମୃତାହତ ମାଓବାଦୀଙ୍କ ତଲାସୀ ଜାରୀ ରହିଛି।