Chronic odisha
ମାଲକାନଗିରି(କ୍ରୋନିକ ଓଡ଼ିଶା)ବାୟୁସେନାରେ ନିଯୁକ୍ତି ସମ୍ପର୍କିତ ଏକ ବିଶେଷ ପରାମର୍ଶ କାର୍ଯ୍ୟକ୍ରମ ଆୟୋଜନ କରାଯାଇଛି। ଏହି କାର୍ଯ୍ୟକ୍ରମର ମୁଖ୍ୟ ଅତିଥି ଭାବରେ ବିପିନ ରାଉତ, ସର୍ଜେଣ୍ଟ, ବାୟୁସେନା ଉପସ୍ଥିତ ଥିଲେ। ସମ୍ମାନୀତ ଅତିଥି ମନସୀ ସେଠୀ, ଜିଲ୍ଲା ନିୟୋଜନ ନିର୍ଦ୍ଦେଶକ, ଏବଂ ଉପେନ୍ଦ୍ର ଦୀପ, ଜିଲ୍ଲା ନିୟୋଜନ ଅଧିକାରୀ ମଧ୍ୟ ଉପସ୍ଥିତ ଥିଲେ। ସଭାପତି ଭାବେ ମାଲକାନଗିରି ମହାବିଦ୍ୟାଳୟ ଅଧକ୍ଷ ଲିଙ୍ଗରାଜ ମିଶ୍ର ଏହି ଅବସରକୁ ଉଜାଗର କରିଥିଲେ।ମୁଖ୍ୟ ବକ୍ତା ଭାବେ ନୀରଜ କୁମାର, କର୍ପୋରାଲ, ବାୟୁସେନାରେ ନିଯୁକ୍ତି ସମ୍ବନ୍ଧୀୟ ବିଭିନ୍ନ ପ୍ରକ୍ରିୟା ଏବଂ ଅବସର ବିଷୟରେ ତଥ୍ୟ ଦେଇ ଯୁବ ମାନଙ୍କୁ ଜାଗୃତ କରିଲେ। ସମ୍ମାନୀତ ଅତିଥି ଡକ୍ଟର ଉଦୟନାଥ ଖରା ଗଭର୍ଣ୍ଣିଂ ବଡି ସଭାପତି ମଧ୍ୟ ତାଙ୍କ ଉପସ୍ଥିତି ଦ୍ୱାରା କାର୍ଯ୍ୟକ୍ରମକୁ ଉତ୍ସାହିତ କରିଥିଲେ।ମଂଚ ପରିଚାଳନା ଡାଃ ରଞ୍ଜନ କୁମାର ସ୍ଵାଇଁ ଆଇ. କ୍ୟୁ .ଏ. ସି ସଂଯୋଜକଙ୍କ ଦ୍ୱାରା ସଫଳତାର ସହିତ କରାଯାଇଥିଲା ଏବଂ କାର୍ଯ୍ୟକ୍ରମର ଶେଷରେ ଅଧ୍ୟାପକ ସୁଶାନ୍ତ କୁମାର ମାଝୀଙ୍କ ଧନ୍ୟବାଦ ଜ୍ଞାପନରେ ସଭା ସାଙ୍ଗ ହୋଇଥିଲା।ଏହି ଅବସରରେ ମହାବିଦ୍ୟାଳୟ ୧୫୦ ରୁ ଉର୍ଦ୍ଧ୍ବ ଯୁକ୍ତତିନି ଏବଂ ଯୁକ୍ତଦୁଇ ଶେଷ ବର୍ଷ ଛାତ୍ରଛାତ୍ରୀ ଉପସ୍ଥିତ ଥିଲେ।
