Chronic odisha
ଚିତ୍ରକୋଣ୍ଡା(ପ୍ରକାଶ ଚନ୍ଦ୍ର ସାହୁ)ମାଲକାନଗିରି ଜିଲ୍ଲା ଚିତ୍ରକୋଣ୍ଡା ଉପଖଣ୍ଡ ଚିକିତ୍ସାଳୟରେ ଡାକ୍ତର ଦ୍ୱାରା ଜଣେ ଅସୁସ୍ଥ ମହିଳାଙ୍କୁ ଦୁର୍ବ୍ୟବହାର ହୋଇଥିବା ଅଭିଯୋଗ ହୋଇଛି। ସୁକାନ୍ତି ଦାସ ନାମକ ଜଣେ ମହିଳାଙ୍କୁ ଛାତି ଓ ମୁଣ୍ଡ ବ୍ୟଥା ହେବାରୁ ଚିତ୍ରକୋଣ୍ଡା ମେଡ଼ିକାଲ ଆସିଥିଲେ।ଏହି ସମୟରେ ଅସୁସ୍ଥ ମହିଳା ଆସିଥିବା ବେଳେ କିନ୍ତୁ ଦିବ୍ୟଶକ୍ତି ପଣ୍ଡା ଓ ସିତୁନ ନାୟକ ଦୁଇ ଡାକ୍ତର ମଧ୍ୟରେ ଆପୋଷ କଥା ବାର୍ତ୍ତାରେ ମଜି ରହିଥିଲେ।।ମହିଳା ଓ ଅନ୍ୟ ରୋଗୀ ମାନେ ବହୁତ ସମୟ ଅପେକ୍ଷା କଲା ପରେ ଡାକ୍ତରଖାନାରେ ପାଟିତୁଣ୍ଡ ଆରମ୍ଭ ହୋଇଥିଲା। ଏହାପରେ ମହିଳା ରୋଗୀଙ୍କୁ ଡ଼ାକ୍ତର ଡାକି ଏ ଯାଏଁ ମରି ନାହାଁନ୍ତି, କାହିଁକି ବ୍ୟସ୍ତ ହୋଇ ପଡୁଛନ୍ତି, ଲଜ୍ଜ୍ୟା ଜନକ ସହ ଖରାପ୍ ବ୍ୟବହାର ଦେଖାଇଥିଲେ ପଣ୍ଡା ଡ଼ାକ୍ତର। ଡାକ୍ତର ଭଗବାନର ଦ୍ଵିତୀୟ ରୂପ ଭାବେ ସମ୍ମାନ ଦିଅନ୍ତି କିନ୍ତୁ ଏପରି ସମ୍ବେଦନଶୀଳ ଘଟଣାକୁ ଜଣେ ଡାକ୍ତର ମହିଳା ରୋଗୀଙ୍କୁ ବ୍ୟବହାର ନେଇ ଏହି ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ସ୍ଵାଭିମାନ ଅଞ୍ଚଳରେ ଚିକିତ୍ସାର ପ୍ରାଣ କେନ୍ଦ୍ର ହେଉଛି ଚିତ୍ରକୋଣ୍ଡା ଉପଖଣ୍ଡ ସ୍ବାସ୍ଥ୍ୟ କେନ୍ଦ୍ର। ମାତ୍ର ଯଦି ଡାକ୍ତର ମାନେ ଭଲ ଚିକିତ୍ସା ପରିବର୍ତ୍ତେ ରୋଗୀଙ୍କ ସହ ଖରାପ୍ ବ୍ୟବହାର ଦେଖାନ୍ତି ତେବେ ଚିକିତ୍ସାକୁ ନେଇ ଏହି ମେଡ଼ିକାଲକୁ ରୋଗୀ କେତେ ଭରଷା କରିବେ ଏହା ସବୁଠାରୁ ବଡ ପ୍ରଶ୍ନବାଚୀ ? ଡାକ୍ତର ଶ୍ରୀ ପଣ୍ଡା ଓ ଶ୍ରୀ ନାୟକଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜନସାଧାରଣରେ ଦାବୀ ହେଉଛି।
