Chronic odisha
ମାଲକାନଗିରି:ନିରଞ୍ଜନ ମଲ୍ଲ(କ୍ରୋନିକ ଓଡ଼ିଶା)ମାଲକାନଗିରି ଜିଲ୍ଲାରେ କାହିଁ କେଉଁ କାଳରୁ ପାଳନ ହେଇ ଆସୁଥିବା ବଡ ଯାତ୍ରା ଚଳିତ ବର୍ଷ ମଧ୍ୟ ପାଳନ ହେଉ ଅଛି। ପ୍ରତି ଦୁଇ ବର୍ଷରେ ଠାରେ ପାଳନ ହେଉଥିବା ଏହି ଯାତ୍ରା ଚଳିତ ବର୍ଷ ପାଳନ ହେଉଥିବା ବେଳେ ପ୍ରାୟ ଏକ ମାସ ଧରି ଯାତ୍ରାର ବିଭିନ୍ନ ନୀତି କାନ୍ତି ଓ ପୂଜା ଆରମ୍ଭ ହୋଇଯାଇଛି। ବଡ ଯାତ୍ରା ପାଇଁ ଆନ୍ଧ୍ର ସ୍ଥିତ ତାଡକାରେଉ କୁଣ୍ଡରେ ତିନି ଠାକୁର ପ୍ରଭୁ କାନମ ରଜୁ, ବାଲରାଜୁ, ପୋତ ରାଜୁ ଓ ମା ମୁତିୟାଲୁ ଅମ୍ମାଙ୍କୁ ସ୍ନାନ ପରେ ମାଲକାନଗିରି ଅଭିମୁଖେ ଅଣା ଯାଇଛି। ସୁ ସଜ୍ଜିତ ବୀମାନ ଯୋଗେ ଠାକୁ ମାନଙ୍କୁ ପ୍ରାୟ ୧୦୦ କିମି ବାଟ ଭକ୍ତ ମାନେ ବୋହି ବୋହି ଆଣିବା ପରେ ଆଜି ଠାକୁରଙ୍କ ବିମାନ ମାଲକାନଗିଇର ଜିଲ୍ଲା ସଦର ସ୍ଥିତ କନ୍ୟାମାଝି ବନ୍ଧ ପୀଠରେ ପହଞ୍ଚିଥିଲା। ଜହ ପରେ ଆଜି ସକାଳୁ ଉତ୍ସବ ମୁଖର ହୋଇପଡିଛି ମାଲକାନଗିରି ସହର। ପବିତ୍ର ତମସା ନଦୀକୂଳରୁ ଭକ୍ତମାନେ ଶୋଭାଯାତ୍ରାରେ କନ୍ୟାମାଝି ପୁଜା ମଣ୍ଡପନିକଟରେ ଠାକୁରଙ୍କ ବିମାନ ପହଁଚାଇଥିଲେ, ରାସ୍ତା ତମାମ ଭୋଗପାଇ ଆସୁଥିବା ଠାକୁରଙ୍କ ବିମାନ ପହଞ୍ଚିବା ପରେ ପାଟପୂଜାରୀ, ପୁଜାକମିଟିର ସଭାପତି ତହସିଲଦାର ଓ ଅନ୍ୟାନ ଅଧିକାରୀ ପୁଜାକମିଟିର ସଦସ୍ୟ ମାନେ ରାଜ ଭୋଗ ଲଗାଇବା ପରେ ଠାକୁରଙ୍କୁ ପାଳ ମଣ୍ଡପକୁ ପ୍ରବେଶ କରା ଯାଇଥିଲା। ମାନସିକ ଧାରୀ ଭକ୍ତ ମାନେ ଠାକୁରଙ୍କୁ ଦର୍ଶନକରି ଭୋଗ ଲଗାଇଥିଲେ। କାଳଶି ନୃତ୍ୟ ସାଙ୍ଗକୁ ଦିଶାରି ପୁଜାରୀ ଗୁଣିଆଙ୍କ ଲାଠିଧାରି ଙ୍କ ନାଟବେଶ ଚମତ୍କାର ଦୃଶ୍ୟ ଦେଖିବାକୁ ମିଳିଥିଲା। ଏହି ଅବସରେ ପୁଲିସ ପ୍ରଶାସନ, ସତ୍ୟସାଇ ସେବା ସଂସ୍ଥା, ଶିବାନନ୍ଦ ଆଶ୍ରମ, ଜୟ ମାଲକାନଗିରି ସହ କେତକ ସ୍ୱଚ୍ଛାସେବି ଅନୁଷ୍ଠାନ, ଯୁବକ ସଂଘ ପକ୍ଷରୁ ସମସ୍ତ ଭକ୍ତଙ୍କ ପାଇଁ ଦହିପଣା, ଲେମ୍ବୁପାଣି ଓ ଅର୍ନପ୍ରସାଦ ସେବନର ବ୍ୟବସ୍ଥା କରିଥିଲେ। ଓଡିଶା, ଆନ୍ଦ୍ର, ତେଲାଙ୍ଗାନା, ଛତିଶଗଡ ଚାରି ରାଜ୍ୟରୁ ଭକ୍ତମାନେ ଏହି ପୂଜାରେ ସାମିଲ ହୋଇଥିଲେ। ତେବେ ଆଜି ରାତ୍ରରେ ବଡ ଠାକୁରଙ୍କ ବିମାନକୁ ବିରାଟ ଶୋଭାଯାତ୍ରାରେ କନ୍ୟାମାଝି ବନ୍ଧରୁ ମାଣ୍ଡିଆଭଟା ମଣ୍ଡପ ନିକଟକୁ ନିଆଯାଇ ସେଠାରେ ରାତ୍ର ରହଣି କରାଯିବ। ତେବେ ବଡ ଯାତ୍ରା ପାଇଁ ମାଲକାନଗିରି ସହର ରେ ମିନାବଜାର, ସାଙ୍ଗକୁ ବିଭିନ୍ନ ପ୍ରକାର ଦୋକାନ ବଜାର ଖୋଲା ଯାଇଛି, ସମଗ୍ର ମାଲକାନଗିରି ସହର ଉତ୍ସବ ମୁଖର ହୋଇପଡିଛି।
