Chronic odisha
ମାଲକାନଗିରି(କ୍ରୋନିକ ଓଡ଼ିଶା)ମାଲକାନଗିରି ଜିଲ୍ଲା ବାଲିମେଳା ସହରରେ ଥିବା ସ୍ୱାମୀ ବିବେକାନନ୍ଦ କ୍ଳବ ପକ୍ଷରୁ କ୍ଲବ ପରିସରରେ ଗତ ତା -୨୬-୧୨-୨୪ରିଖରେ ଆରମ୍ଭ ହୋଇଥିବା ଭଲିବଲ ଟୁର୍ନାମେଣ୍ଟ ସୋମବାର ସନ୍ଧ୍ୟାରେ ଉଦଯାପିତ ହୋଇଯାଇଅଛି।ଏହି ଉଦଯାପନୀ ଉତ୍ସବରେ ମୁଖ୍ୟ ଅତିଥି ରୂପେ ପ୍ରଶାନ୍ତ କୁମାର ରାଉତ ଯୋଗ ଦେଇଥିଲେ। ଏହି ଟୁର୍ନାମେଣ୍ଟରେ ବାଲିମେଳା ସହର ସମେତ କୋରୁକୋଣ୍ଡା ବ୍ଲକର ବିଭିନ୍ନ ଅଞ୍ଚଳରୁ ମୋଟ ୧୬ ଗୋଟି ଦଳ ମଧ୍ୟରେ ଭଲିବଲ ମ୍ୟାଚ ଅନୁଷ୍ଠିତ ହୋଇଥିଲା।ସେମାନଙ୍କ ମଧ୍ୟରୁ ବାଲିମେଳାର ମନୋରଞ୍ଜନ କ୍ଲବ ଓ ଗୋପବନ୍ଧୁ କ୍ଲବ ଟିମ ଫାଇନାଲରେ ପ୍ରବେଶ କରିଥିବା ବେଳେ ଏହି ଫାଇନାଲ ମ୍ୟାଚରେ ମନୋରଞ୍ଜନ ଟିମ ବିଜୟୀ ହୋଇଥିଲା। ମନୋରଞ୍ଜନ ଟିମ ଚମ୍ପିୟାନ ହେବା ପରେ ଖେଳାଳିଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଥିଲା।ତେବେ ଏହି ଟୁର୍ନାମେଣ୍ଟରେ ବିଜେତା ଟିମକୁ ୫ ହଜାର ଟଙ୍କା ଓ ରନର୍ସଅପ ହୋଇଥିବା ଗୋପବନ୍ଧୁ ଟିମକୁ ୩ ହଜାର ଟଙ୍କା ପୁରସ୍କାର ରାଶି ସହିତ ଉଭୟଙ୍କୁ ସ୍ୱାମୀ ବିବେକାନନ୍ଦ କ୍ଲବ ପକ୍ଷରୁ ସିଲ ପ୍ରଦାନ କରାଯାଇଥିଲା। ସ୍ୱାମୀ ବିବେକାନନ୍ଦ କ୍ଲବର ସଭାପତି ଶିବଦତ୍ତ ସାହୁ, ସମ୍ପାଦକ ରାକେଶ ସିଂ, ସିମାଞ୍ଚଳ ପ୍ରଧାନ,ଗଣେଷ ହରିଜନ, ପ୍ରକାଶ ହରିଜନଙ୍କ ସମେତ କ୍ଲବର ସମସ୍ତ ସଦସ୍ୟ ଏହି ଟୁର୍ନାମେଣ୍ଟକୁ ପରିଚାଳନା କରିଥିଲେ। ଫାଇନାଲ ମ୍ୟାଚ ବେଳେ ସ୍ଥାନୀୟ ଅଞ୍ଚଳର ଯୁବ ଭଲିବଲ ପ୍ରେମୀ ସହ ଶତାଧିକ ଦର୍ଶକ ରୋମାଞ୍ଚକର ମ୍ୟାଚକୁ ଉପଭୋଗ କରିଥିଲେ।
