Chronic odisha
ମାଲକାନଗିରି(କ୍ରୋନିକ ଓଡ଼ିଶା)ମାଲକାନଗିରି ଜିଲ୍ଲା ବାଲିମେଳା ସହରର ୧୧ ନମ୍ବର ୱାର୍ଡ ଅନ୍ତର୍ଗତ ସାହିରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା।ସାହି ବାସିନ୍ଦା ପୂର୍ଣଚନ୍ଦ୍ର ନାୟକଙ୍କ ଘରେ ଭଡାରେ ରହୁଥିବା ହିମାଂଶୁ ଶେଖର ସାହୁଙ୍କ ଘରେ ଆଜି ଅପରାହ୍ନ ପ୍ରାୟ ୨ଟା ୩୦ମିନିଟରେ ଘରେ କେହିବି ନଥିଲା ସମୟରେ କୌଣସି କାରଣରୁ ଘରେ ନିଆଁ ଲାଗି ଘର ଭିତରେ ଥିବା ଏକ ଟିଭି ସମେତ ବହୁ ମୂଲ୍ୟବାନ ଆସବାବ ପୋଡି ନଷ୍ଟ ହୋଇଯାଇଛି। ତେବେ ହିମାଂଶୁଙ୍କ ଠାରୁ ମିଳିଥିବା ସୂଚନା ଅନୁଯାୟୀ ଆଜି ସକାଳେ ହିମାଂଶୁଙ୍କ ସ୍ତ୍ରୀ କୌଣସି କାର୍ଯ୍ୟରେ ଏନଏଏସି କାର୍ଯ୍ୟାଳୟକୁ ଯାଇଥିବା ବେଳେ ହିମାଂଶୁ ଏବଂ ତାଙ୍କ ପୁଅ ସ୍କୁଲକୁ ଯାଇଥିଲେ। ହିମାଂଶୁଙ୍କ ଘର ସକାଳୁ ତାଲା ପଡି ରହିଥିଲା।ସେ ଅପରାହ୍ନରେ ତାଙ୍କ ପୁଅକୁ ସ୍କୁଲରୁ ଆଣି ତାଲା ଖୋଲିଲା ବେଳକୁ ଘର ଭିତରେ ନିଆଁ ହୁତୁ ହୁତୁ ହୋଇ ନିଆଁ ଜଳୁଥିବା ସହ ପ୍ରବଳ ଧୂଆଁ ବାହାରୁ ଥିବା ଦେଖି ଭୟଭୀତ ହୋଇ ତୁରନ୍ତ ଚିତ୍କାର କରିଥିଲେ। ହିମାଂଶୁଙ୍କ ସହ ସାହି ଲୋକଙ୍କ ଉଦ୍ୟମରେ ପାଣି ଢାଳି ନିଆଁ ଲିଭାଯାଇଥିଲା। ତେବେ ଘରେ ତାଲା ପଡ଼ିଥିବା ବେଳେ ଘର ଭିତରେ ନିଆଁ କିପରି ଲାଗିଲା ତାହା ସ୍ପଷ୍ଟ ହୋଇ ପାରିନାହିଁ।
