Chronic odisha
ମାଲକାନଗିରି(କ୍ରୋନିକ ଓଡ଼ିଶା)ବିଜୁ ଜନତା ଦଳର ସଭାପତି ନବୀନ ପଟ୍ଟନାୟକଙ୍କ ଦୃଢ଼ ନେତୃତ୍ଵରେ ଦଳର ଜନସମ୍ପର୍କ ପଦଯାତ୍ରାରେ ବିପୁଳ ସଂଖ୍ୟାରେ ସାମିଲ ହୋଇ ଓଡ଼ିଶା ବାସୀଙ୍କ ସେବା ପାଇଁ ପ୍ରତିଶ୍ରୁତିବଦ୍ଧ ଭାବେ ଆଗକୁ ବଢିବାର ଆବାହନ କ୍ରମେ ଆଜି ମାଲକାନଗିରି ଜିଲ୍ଲା ବିଜୁ ଜନତା ଦଳ ତରଫରୁ ଜିଲ୍ଲା ସ୍ତରୀୟ ଜନ ସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି। ମାଲକାନଗିରି ଜିଲ୍ଲା ବିଜୁ ଜନତା ଦଳ ସଭାପତି ତଥା ପୂର୍ବତନ ବିଧାୟକ ମାନସ ମାଡକାମୀଙ୍କ ନେତୃତ୍ୱରେ ମାଲକାନଗିରି ବସଷ୍ଟାଣ୍ଡ ଠାରୁ ଶୋଭା ଯାତ୍ରା ବାହାରି ମାଲକାନଗିରି ଷ୍ଟାଡିୟମ୍ ନିକଟସ୍ଥ ସଂସ୍କୃତି ଭବନ ପର୍ଯ୍ୟନ୍ତ ଯାଇ ସେଠାରେ ଏକ ସଭା ର ଆୟୋଜନ କରାଯାଇଥିଲା। ଆଜିର ଉକ୍ତ ଜନ ସମ୍ପର୍କ ପଦଯାତ୍ରା ଓ ସଭା କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ରାଜ୍ୟ ବିଜୁ ଜନତା ଦଳର ବରିଷ୍ଠ ପୂର୍ବତ୍ତନ ମନ୍ତ୍ରୀ ତଥା ରାଜ୍ୟ ବିଜୁ ଜନତା ଦଳ ର କୋର୍ କମ୍ମିଟି ତଥା ସମନ୍ଵୟ କମ୍ମିଟି ର ଅଧ୍ୟକ୍ଷ ଦେବୀ ପ୍ରସାଦ ମିଶ୍ରଙ୍କ ସହ ଅନ୍ୟତ୍ତମ ସଦସ୍ୟ ତଥା ଡାବୁଗାଁ ବିଧାୟକ ମନୋହର ରନ୍ଧାରୀ, ଅନ୍ୟତ୍ତମ ସଦସ୍ୟ ଭୃଗୁ ବକ୍ସି ପାତ୍ର ଏବଂ ବିଜୁ ଜନତା ଦଳର କେନ୍ଦ୍ରୀୟ ମୁଖପାତ୍ର ତଥା ପୁର୍ବତ୍ତନ ସାଂସଦ ପ୍ରଦୀପ ମାଝୀ, ପୁର୍ବତ୍ତନ ସାଂସଦ ତଥା ରାଜ୍ୟ ମୁଖପାତ୍ର ବିଜୁ ଜନତା ଦଳ ରମେଶ ଚନ୍ଦ୍ର ମାଝୀ ଓ ରାଜ୍ୟ ବିଜେଡି ବରିଷ୍ଠ ନେତା ଡ଼. ପ୍ରିୟ ବ୍ରତ ମାଝୀ, ଜିଲ୍ଲା ପରିଷଦ ଅଧକ୍ଷ୍ୟା ସମାରି ତାଙ୍ଗୁଲ, ଜିଲ୍ଲା ଯୁବ ଜନତା ଦଳର ସଭପତି ଆଡମା ରାବାଙ୍କ ସହ ଜିଲ୍ଲାର ବରିଷ୍ଠ ନେତୃମଣ୍ଡଳୀ ଯୋଗ ଦେଇଥିଲେ। ଆଜିର ଜନ ସମ୍ପର୍କ ପଦଯାତ୍ରାରେ ଯୋଗ ଦେଇଥିବା ମୁଖ୍ୟ ଅତିଥି ଓ ସମ୍ମାନିତ ଅତିଥି ବୃନ୍ଦ ଜନ ସାଧାରଣଙ୍କୁ ବିଜୁ ଜନତା ଦଳ ସରକାର ସମୟରେ ଗ୍ରାମାଞ୍ଚଳ ଓ ପୌରାଞ୍ଚଳର ବିକାଶ ସହିତ ଜନସାଧାରଣଙ୍କ କଲ୍ୟାଣ ପାଇଁ ନିଆଯାଇଥିବା ବିଭିନ୍ନ ସଫଳ ଲୋକାଭିମୁଖୀ କାର୍ଯ୍ୟକ୍ରମ ସମ୍ପର୍କରେ ଅବଗତ କରାଇବା ସହ ବିଜୁ ଜନତା ଦଳର ୨୪ ବର୍ଷର ସରକାରରେ ଓଡ଼ିଶା ବିକାଶର ନୂଆ ଶିଖର ଛୁଇଁଥିବା ନେଇ ପ୍ରକାଶ କରିଥିଲେ।
