Chronic odisha
ମାଲକାନଗିରି(କ୍ରୋନିକ ଓଡ଼ିଶା) ଏ ଚିତ୍ରଟି ଦେଖି ନିଶ୍ଚିତ ଭାବୁଥିବେ ଏ କୌଣସି ଚଳଚ୍ଚିତ୍ରର ସୁଟିଙ୍ଗ ଚାଲିଛି ବୋଧହୁଏ। ନା ଆଜ୍ଞା ଏ କୁନି କୁନି ଛାତ୍ରଛାତ୍ରୀ ମାନେ ନିଜ ଭବିଷ୍ୟତ ଗଢ଼ିବା ଆଶା ନେଇ ପ୍ରତିଦିନ ନିଜ ଜୀବନକୁ ବାଜି ଲଗାଇବାକୁ ବାଧ୍ୟ ହେଉଛନ୍ତି।ସରକାର ଆସୁଛନ୍ତି ଯାଉଛନ୍ତି ହେଲେ ସାଧାରଣ ଲୋକଙ୍କ ସମସ୍ୟା କିନ୍ତୁ ଦୂର ହବାର ନାଁ ଧରୁନାହିଁ। କେଉଁଠି ରୋଗୀ ଖଟିଆରେ ନଦୀ ପାର ହେଉଛନ୍ତି ତ କେଉଁଠି ରାସ୍ତା ନଥିବାରୁ ଆମ୍ବଲାନ୍ସ ପହଁଞ୍ଚି ପାରୁନାହିଁ।ସ୍ବାଧିନତାର ୭୮ ବର୍ଷ ପରେ ମଧ୍ୟ ଆମ ଦେଶରେ ଏଭଳି କରୁଣ ଚିତ୍ର ଦେଖିବାକୁ ମିଳୁଛି। ଆପଣ ଭାବୁଥିବେ ସତରେ କଣ ଆମ ଦେଶରେ ବିକାଶ ହେଉନାହିଁ।ହଉଛି କିନ୍ତୁ ଯେଉଁ ଗତିରେ ହବା କଥା ହେଉନାହିଁ କିନ୍ତୁ କୁଜି ନେତା ଠାରୁ ଆରମ୍ଭ କରି ବଡ଼ବଡ଼ିଆଙ୍କ ପ୍ସିଡ ଧରି ହେଉନାହିଁ। ଆପଣ ସମସ୍ତେ ବୁଦ୍ଧିମାନ ବୁଝି ପାରୁଥିବେ। ତେବେ ଏ ଦୃଶ୍ୟଟି ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ରାଜ୍ୟର ମୁଙ୍ଗେଲି ଜିଲ୍ଲାର ନୁନିଆକଛାର ଠାରୁ ଗିତପୁରୀ ବିଦ୍ୟାଳୟ ଯିବା ବେଳେ ସ୍କୁଲ ପିଲାଙ୍କ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି।ନୁନିଆକଛାର ଓ ଗିତପୁରୀ ମଧ୍ୟସ୍ଥ ନଦୀ ଉପରେ ପୋଲ ନଥିବାରୁ ପ୍ରତିଦିନ ସ୍କୁଲ ପିଲାମାନେ ନିଜ ଜୀବନକୁ ବାଜି ଲଗାଉଛନ୍ତି। ଆପଣ ଶୁଣି ଆଶ୍ଚର୍ଯ୍ୟ ହେବେ ଏଇ ସ୍ଥାନଟି କୌଣସି ଅପହଞ୍ଚ ଅଞ୍ଚଳର ନୁହେଁ ବଂର ଏବେର ଉପ ମୁଖ୍ୟମନ୍ତ୍ରୀ ଅରୁଣ ସାଓ , କେନ୍ଦ୍ର ରାଜ୍ୟମନ୍ତ୍ରୀ ତୋଖନ ସାହୁ ଏବଂ ୩ ଥର ମନ୍ତ୍ରୀ,ଚାରି ଥର ସାଂସଦ , ୭ ଥର ବିଧାୟକ ରହିଥିବା ପୁନ୍ନୁଲାଲ ମୋହିଲେ ଭଳି ନେତାଙ୍କ ଗୃହ ଜିଲ୍ଲା।ଏହି ଭିଡିଓଟି ଏ ଅଞ୍ଚଳର ମୌଳିକ ସୁବିଧା ସୁଯୋଗର ତୃଣମୂଳ ସତ୍ୟତା ଖୋଲି ଦେଇଛି। ଏ କୁନି ଛାତ୍ର ଜଣଙ୍କ କହୁଛନ୍ତି ରାଜ୍ୟ ସରକାରଙ୍କ ନିକଟରେ ଆମର ଏତିକି ଆଶା ବାସ୍ ଏପଟରୁ ସେପଟ ପର୍ଯ୍ୟନ୍ତ ଗୋଟିଏ ପୋଲ ନିର୍ମାଣ କରିଦିଅ। ଯାହା ଫଳରେ ଆମକୁ ପ୍ରତିଦିନ ସ୍କୁଲ ଯିବି ବେଳେ ଜୀବନକୁ ବାଜି ଲଗାଇବାକୁ ପଡିବ ନାହିଁ।
