Chronic odisha
ମାଲକାନଗିରି ଜିଲ୍ଲା ସ୍ବେଚ୍ଛାସେବୀ ସଙ୍ଗଠନ ରିଚିଙ୍ଗ ହାଣ୍ଡ ସୋସାଇଟି ପରିଚାଳକ ରାଗାଲାଣ୍ଡ ରୋମୋ ପାଉଲଙ୍କ ତତ୍ତ୍ଵାବଧାନରେ ଖଇରପୁଟ ବ୍ଲକ ଅନ୍ତର୍ଗତ ମୁଣ୍ଡିଗୁଡା ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ପବିତ୍ର ଗୁରୁ ଦିବସ ବହୁ ଆଡମ୍ବରରେ ପାଳିତ ହୋଇଯାଇଛି। ଏହି ଅବସରରେ ରିଚିଙ୍ଗ ହାଣ୍ଡ ସୋସାଇଟିର ଦିଲ୍ଲିପ ବାଘ , ନିରଞ୍ଜନ କୁଲଦୀପ , ଜୁନସ ପାଙ୍ଗି , ଡାଲିମା ଖିଲ ଏବଂ ଶ୍ୟାମ ଖିଲ , ବିଦ୍ୟାଳୟ ପ୍ରଧାନଶିକ୍ଷକ ଦିଲ୍ଲିପ କୁମାର ସାହୁ , ରମେଶ ନେଲୁର , ଉମା ଶଙ୍କର ଦାସଙ୍କ ଉପସ୍ଥିତ ଥିଲେ। ପ୍ରଥମେ ଅତିଥି ପରିଚୟ ପରେ ଗୁରୁ ଦିବସ ନିମନ୍ତେ ଗୁରୁ ବନ୍ଦନା ସହ ସଭା କାର୍ଯ୍ୟ ଆରମ୍ଭ ହୋଇଥିଲା।ରିଚିଙ୍ଗ ହାଣ୍ଡ ସୋସାଇଟି ପକ୍ଷରୁ ମୁଣ୍ଡିଗୁଡା , କଣ୍ଟାସାରୁ , ପାଣିଘାଟା , ପାକନାଗୁଡା , କୁଡୁମୁଲୁଗୁମ୍ମା , ଦୁରୁକାଗୁଡା , ନିଲାପାରି , ରେକାପାଲି , ଚିନ୍ତନଡଲି , ଆପନମାଳା , ନୂଆଗୁଡା , ଧାଙ୍ଗଡାଗୁଡା , କୁମାର ପୁଟ , ଧଉଡାଗୁଡା ଏବଂ ପୂଜାରିଗୁଡା ଭଳି ଆଖପାଖର ବିଭିନ୍ନ ବିଦ୍ୟାଳୟରୁ ନିମନ୍ତ୍ରିତ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ମାନପତ୍ର ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। ସମ୍ବର୍ଦ୍ଧିତ ଶିକ୍ଷକ ଶିକ୍ଷୟିତ୍ରୀ ମଧ୍ୟରେ ବ୍ରଜ ନାରାୟଣ ଦାସ , ମଞ୍ଜୁଶ୍ରୀ ମହାଳୀ , ପ୍ରିୟମ୍ବଦା ରାଉତ , ସନ୍ଧ୍ୟାରାଣୀ ସାହୁ , ଲିଙ୍ଗରାଜ ଶବର ପ୍ରମୁଖ। ରିଚିଙ୍ଗ ହାଣ୍ଡ ସୋସାଇଟି ଏହି ଅଞ୍ଚଳରେ ଦୀର୍ଘ ଦିନ ଧରି ବିଭିନ୍ନ ସମାଜସେବା , ଜନ ହିତୈଶୀ କାର୍ଯ୍ୟ କରି ବେଶ ଆଦୃତ ହୋଇଛି।ଜନସେବା ପ୍ରକୃତ ଭଗବାନଙ୍କ ସେବା ବୋଲି ସଂସ୍ଥା ପକ୍ଷରୁ କୁହାଯାଇଛି। ଦିଲ୍ଲିପ ବାଘ ଏବଂ ନିରଞ୍ଜନ କୁଲଦୀପ ସଭା ପରିଚାଳନା କରିଥିବା ବେଳେ ମୁଣ୍ଡିଗୁଡା ବିଦ୍ୟାଳୟ ଭାରା ପ୍ରାପ୍ତ ପ୍ରଧାନଶିକ୍ଷକ ଦିଲ୍ଲିପ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ।
