Chronic odisha
ମାଲକାନଗିରି:ନିରଞ୍ଜନ ମଲ୍ଲ(କ୍ରୋନିକ ଓଡ଼ିଶା)ମାଲକାନଗିରି ଜିଲ୍ଲା ବାଲିମେଳା ସ୍ଥିତ ଉପଖଣ୍ଡ ଆରକ୍ଷୀ ଅଧିକ୍ଷକ କାର୍ଯ୍ୟାଳୟରେ ଆଜି ନୂତନ ଏସଡିପିଓ ଭାବେ ପ୍ରଦୋଷ ପ୍ରଧାନ ଯୋଗ ଦେଇଛନ୍ତି। ପୂର୍ବରୁ ସେ ନୂଆପଡା ଜିଲ୍ଲାରେ କାର୍ଯ୍ୟରତ ରହିଥିବା ବେଳେ ବର୍ତ୍ତମାନ ବଦଳି ହୋଇ ସେ ନୂତନ ଚିତ୍ରକୋଣ୍ଡା ଉପଖଣ୍ଡ ଆରକ୍ଷୀ ଅଧିକ୍ଷକ ଭାବେ ଯୋଗଦାନ କରିଛନ୍ତି। ଶ୍ରୀ ପ୍ରଧାନ ୭ ମ ବ୍ୟାଚର ହୋଇଥିବା ବେଳେ ୨୦୨୨ ରେ କାର୍ଯ୍ୟରେ ଯୋଗ ଦେଇଥିଲେ। ଚିତ୍ରକୋଣ୍ଡା ଉପଖଣ୍ଡର ଆଇନ ଶୃଙ୍ଖଳାକୁ ନିୟମିତ କରିବା ସହିତ ଅମାନିଆ ଗାଡି ଡ୍ରାଇଭର , ବିଭିନ୍ନ ପ୍ରକାର ବେଆଇନ କାର୍ଯ୍ୟକଳାପ ଏବଂ ଗଞ୍ଜେଇ ଚୋରାଚାଲାଣ ଉପରେ ବିଶେଷ ଦୃଷ୍ଟି ଦିଆଯିବ ବୋଲି ନୂତନ ଏସଡିପିଓ ଶ୍ରୀପ୍ରଧାନ କହିଛନ୍ତି। ଏହା ପୂର୍ବରୁ ଆଲେକସିୟସ କିସପୋଟା ଚିତ୍ରକୋଣ୍ଡା ଉପଖଣ୍ଡ ଆରକ୍ଷୀ ଅଧିକ୍ଷକ ଭାବେ ରହିଥିବା ବେଳେ କିଛି ଦିନ ପୂର୍ବେ ଅତିରିକ୍ତ ଏସପି ଭାବେ ପଦୋନ୍ନତି ପାଇବା ପରେ ତାଙ୍କର କୋରାପୁଟ ଜିଲ୍ଲାକୁ ବଦଳି ହୋଇଛି।
