Chronic odisha
ମାଲକାନଗିରି(କ୍ରୋନିକ ଓଡ଼ିଶା)ମାଲକାନଗିରି ଜିଲ୍ଲା ବାଲିମେଳା ବିଜ୍ଞାପିତ ଅଞ୍ଚଳ ପରିଷଦରେ ମାଲ୍ୟବନ୍ତ ସ୍ବେଛାସେବୀ ସଂଗଠନ ପକ୍ଷରୁ ଭିନ୍ନକ୍ଷମ ସଚେତନତା ଓ ଶୀତବସ୍ତ୍ର ପ୍ରଦାନ । ଆଜି ସକାଳ ୧୦ ଘଟିକା ସମୟରେ ମାଲ୍ୟବନ୍ତ ସ୍ବେଛାସେବୀ ସଂଗଠନ ଦ୍ୱରା ଏକ ଭିନ୍ନକ୍ଷମ ସଚେତନତା ସଭା ବାଲିମେଳା ସ୍ଥିତ ଅଫିସର ଲାଇନ ଥିବା ମାଲ୍ୟାବନ୍ତ ସ୍ୱେଚ୍ଛାସେବୀ ସଂସ୍କୃତି ଭବନ ଠାରେ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ବାଲିମେଳା ଜଳ ବିଦ୍ୟୁତ କେନ୍ଦ୍ରର ସାଧାରଣ ପରିଚାଳକ ଇଂ ରାଧାମଧବ ଓତା ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ସମିତିର ଉପେଦେଷ୍ଟା ବିଜୟ ପ୍ରଧାନ , କୋରୁକୋଣ୍ଡା ବ୍ଲକ ବିଆରପି ରତିକାନ୍ତ ମହନ୍ତ ଓ ମୁଖ୍ୟ ବକ୍ତା ଭାବେ ଚିତ୍ତରଞ୍ଜନ ନାୟକ ଯୋଗ ଦେଇଥିଲେ । କାର୍ଯ୍ୟକ୍ରମ ଆରମ୍ଭ ରେ ଶିଶୁ ମାନଙ୍କ ଦ୍ୱାରା ସ୍ୱାଗତ ବନ୍ଦନା ବଂଶୀ ମାଧ୍ୟମରେ କରାଯାଇଥିଲା ଏହାପରେ ଶ୍ରୀ ମହନ୍ତ କାର୍ଯ୍ୟକ୍ରମ ର ମୁଖ୍ୟ ଉଦେଶ୍ୟ ଉପରେ ଆସିଥିବା ସମସ୍ତ ଦିଵ୍ୟାଙ୍ଗ ମାନଙ୍କୁ ସଚେତନ ବାର୍ତ୍ତା ଦେଇଥିଲେ।କିଭଳି ଭିନ୍ନକ୍ଷମ ମାନେ କିପରି ପ୍ରମାଣପତ୍ର ପାଇବା ସହ ସରକାରଙ୍କ ଜନ ମଙ୍ଗଳାକାରୀ କାର୍ଯ୍ୟ ଗୁଡିକରେ ସାମିଲ ହୋଇପାରିବେ । ଏଥିସହିତ ପ୍ରମାଣ ପତ୍ର ପାଇବା ପାଇଁ ହେଲେ ପ୍ରଥମେ ଅନଲାଇନ କରିବା ଏହାପରେ ପ୍ରତ୍ୟକ ମାସର ପ୍ରଥମ ଓ ତୃତୀୟ ଶନିବାର ଦିନ ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଯାଇ ନିଜର ପ୍ରମାଣପତ୍ର ପାଇପାରିବେ ଏବଂ ଏହି ମାସ ୧୯ ତାରିଖରେ କୋରୁକୋଣ୍ଡା ବ୍ଲକ ଓ ବାଲିମେଳା ଏନଏସିରେ ଏକ ଭିର୍ଣ୍ଣକ୍ଷମ ଶିବିର ଆୟୋଜନ ହେବାକୁ ଯାଉଛି ଏବଂ ୭୦ ପ୍ରତିଶତ ରୁ ଉର୍ଦ୍ଧ ଭିର୍ଣ୍ଣକ୍ଷମ ଛାତ୍ରଛାତ୍ରୀଙ୍କ ପାଇଁ ସରକାର ୧୦ ହଜାର ଟଙ୍କା ପ୍ରଦାନ ମଧ୍ୟ କରୁଛନ୍ତି ବୋଲି ସଚେତନ କରାଯାଇଥିଲା । ଶେଷରେ ଅତିଥି ମାନକ ଦ୍ୱାରା ଶୀତବସ୍ତ୍ର ଓ କମ୍ବଳ ବଣ୍ଟନ କରାଯାଇଥିଲା । ସମସ୍ତ କାର୍ଯ୍ୟକ୍ରମକୁ ପ୍ରଦ୍ୟୁମ୍ନ ସ୍ୱାଇଁ ପରିଚାଳନା କରିଥିଲେ ।
