Chronic odisha
ମାଲକାନଗିରି(କ୍ରୋନିକ ଓଡ଼ିଶା)ନକ୍ସଲ ବିରୋଧୀ ଅପରେସନରେ ନିୟୋଜିତ ଯବାନଙ୍କୁ ଆଉ ଏକ ବଡ଼ ସଫଳତା। ଖବର ଅନୁଯାୟୀ, ସୁରକ୍ଷା ବାହିନୀ ତେଲେଙ୍ଗାନାରେ ୧ କୋଟି ଇନାମୀ ମହିଳା ନକ୍ସଲ ସୁଜାତାକୁ ପୁଲିସ ଗିରଫ କରିଛି। ସୁଜାତା ମାଓବାଦୀ ସେଣ୍ଟ୍ରାଲ କମିଟି ସଦସ୍ୟ ସହିତ ନକ୍ସଲମାନଙ୍କ ବସ୍ତର ଡିଭିଜନାଲ କମିଟିର ଦାୟିତ୍ୱରେ ମଧ୍ୟ ଥିଲେ ଏବଂ ସୁକୁମା ଅଞ୍ଚଳରେ ଘଟିଥିବା ଅନେକ ପ୍ରମୁଖ ନକ୍ସଲ ଘଟଣାରେ ତାଙ୍କୁ ଖୋଜା ଯାଉଥିଲା। ପୁଲିସ ଅଧିକାରୀଙ୍କ କହିବାନୁସାରେ, ସୁଜାତା ଛତିଶଗଡ ଛାଡି ତେଲେଙ୍ଗାନାର କୋତାଗୁଡେମକୁ ଚିକିତ୍ସା ପାଇଁ ଯାଇଥିଲେ।
ବାସ୍ତବରେ, ଲାଲ୍ କରିଡରରେ ସୁଜାତାଙ୍କ ନାମ ବହୁତ ପୁରୁଣା।ସେ ବହୁ ବର୍ଷ ଧରି ଓ୍ବାଣ୍ଟେଡ ଥିଲେ। କୁହାଯାଉଛି ଯେ ସେ କୁଖ୍ୟାତ ନକ୍ସଲ ନେତା କିଷାନଜୀଙ୍କ ପତ୍ନୀ। ପଶ୍ଚିମବଙ୍ଗରେ କିଶାନଜୀଙ୍କୁ ହତ୍ୟା କରାଯିବା ପରେ ସୁଜାତା ବସ୍ତରକୁ ଚାଲି ଆସିଥିଲେ। ସେ କୁଖ୍ୟାତ ନକ୍ସଲ କମାଣ୍ଡର ମାଡବି ହିଡମାଙ୍କ ସହ ଅନେକ ନକ୍ସଲ ହିଂସାରେ ଭାଗ ନେଇଛନ୍ତି।
ବସ୍ତର ଅଞ୍ଚଳରେ ନକ୍ସଲମାନଙ୍କ ପ୍ରେସ ବିଜ୍ଞପ୍ତି କେବଳ ସୁଜାତାଙ୍କ ଦ୍ବାରା ଜାରି କରାଯାଇଥିଲା।ଆନ୍ଧ୍ରପ୍ରଦେଶ, ତେଲେଙ୍ଗାନା, ମହାରାଷ୍ଟ୍ର ଏବଂ ଛତିଶଗଡରେ ତାଙ୍କ ଉପରେ ମୋଟ ୧ କୋଟି ଟଙ୍କା ପୁରସ୍କାର ଘୋଷଣା କରାଯାଇଥିଲା। ହିନ୍ଦୀ, ଇଂରାଜୀ, ତେଲୁଗୁ ସହିତ ସେ ଗୋଣ୍ଡି ଭାଷା ଉପରେ ତାଙ୍କର ଦକ୍ଷତା ରହିଥିଲା। ଦୀର୍ଘ ଦିନ ଧରି ଅସୁସ୍ଥ ଥିବାରୁ ସେ ଚିକିତ୍ସା ପାଇଁ ତେଲେଙ୍ଗାନା ଯାଇଥିଲେ। ବର୍ତ୍ତମାନ ତାଙ୍କର ବୟସ ପ୍ରାୟ ୬୦ରୁ ଉର୍ଦ୍ଧ୍ବ ବର୍ଷ। ସୁଜାତା ମାଧ୍ୟମରେ ନକ୍ସଲଙ୍କ ବିଷୟରେ ପ୍ରମୁଖ ସୂଚନା ପାଇବାକୁ ପୁଲିସ ଆଶାବାଦୀ ଅଛି। ଏହା ପୂର୍ବରୁ ଅକ୍ଟୋବର ୪ ରେ, ଛତିଶଗଡର ବସ୍ତରରେ ଏକ ଏନକାଉଣ୍ଟର ସମୟରେ ଯବାନଙ୍କ ଦ୍ଵାରା ୩୧ ନକ୍ସଲଙ୍କୁ ହତ୍ୟା କରାଯାଇଥିଲା।
ନାରାୟଣପୁର-ଦନ୍ତେୱାଡା ଜିଲ୍ଲା ସୀମାରେ ଥିବା ଅବୁଜମାଡର ଥୁଲଥୁଲି ଏବଂ ନେନ୍ଦୁର ଗ୍ରାମ ଜଙ୍ଗଲରେ ଏହି ଏନକାଉଣ୍ଟର ହୋଇଥିଲା। ଚଳିତ ବର୍ଷ ଏପର୍ଯ୍ୟନ୍ତ ବସ୍ତର ଅଞ୍ଚଳର ନାରାୟଣପୁର – ଦନ୍ତେୱାଡା ସମେତ ସାତ ଜିଲ୍ଲାରେ ବିଭିନ୍ନ ଏନକାଉଣ୍ଟରରେ ସୁରକ୍ଷା ବାହିନୀ ଦ୍ୱାରା ୧୮୫ ନକ୍ସଲଙ୍କ ମୃତ୍ୟୁ ଘଟିଛି।
