Chronic odisha
ମାଲକାନଗିରି(କ୍ରୋନିକ ଓଡ଼ିଶା)ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକ ଅନ୍ତର୍ଗତ ବାଲିମେଳା ବିଜ୍ଞାନ ଏବଂ ବୈଷୟିକ ମହାବିଦ୍ୟାଳୟ ସଭା ଗୃହରେ ନେହୁର ଯୁବ କେନ୍ଦ୍ର ପକ୍ଷରୁ ସ୍ବଚ୍ଛତା ହିଁ ସେବା ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ମୁଖ୍ୟ ଅତିଥି ଭାବେ ଚିତ୍ରକୋଣ୍ଡା ବିଧାୟକ ମଙ୍ଗୁ ଖିଲ ଯୋଗ ଦେଇଥିଲେ। ଅନ୍ୟ ମାନଙ୍କ ମଧ୍ୟରେ ମହାବିଦ୍ୟାଳୟର ଅଧ୍ୟକ୍ଷ ତଥା ଏନଏସଏସ ଶିକ୍ଷାର ପ୍ରଧ୍ୟାପକ ସରୋଜ ମହାପାତ୍ର , ବାଲିମେଳା ବିଧାୟକ ପ୍ରତିନିଧି ଇସାକ ଖୋସଲା , ଏନୟ୍ବାଇକେଏସ ଅଧ୍ୟକ୍ଷ ହରିଶ ରୁପଲ ଏବଂ ସନ୍ତୋଷ ମହାପାତ୍ର , ବିକେପୁର ଯୁବକ ସଂଘ ସଭାପତି ଜଗନ୍ନାଥ ହନ୍ତାଳ ସମେତ ବହୁ କର୍ମକର୍ତ୍ତା ଯୋଗ ଦେଇଥିବା ବେଳେ ଶତାଧିକ ଛାତ୍ରଛାତ୍ରୀ ଉପସ୍ଥିତ ଥିଲେ। ଛାତ୍ରଛାତ୍ରୀଙ୍କ ମଧ୍ୟରେ ଏ ସମ୍ପର୍କରେ ବକ୍ତୃତା ପ୍ରତିଯୋଗୀତା କରାଯାଇଥିଲା।ମୁଖ୍ୟ ଅତିଥି ଶ୍ରୀ ଖିଲ ସ୍ବଚ୍ଛତା ଆମ ଜୀବନଶୈଳୀ ହେବା ଆବଶ୍ୟକ। ନିଜ ଆଖପାଖ ଅଞ୍ଚଳ ସହିତ ସମାଜକୁ ମଧ୍ୟ ସ୍ବଚ୍ଛ ରଖିବା ପାଇଁଁ ଆମେ ପ୍ରୟାସ କରିବା ବୋଲି ନିଜ ଅଭିଭାଷଣରେ କହିଥିଲେ।ଶେଷରେ ନିଳାଦ୍ରୀ ନଗର ଅଞ୍ଚଳରେ ସିଙ୍ଗଲ ୟ୍ବୁଜ ପ୍ଲାଷ୍ଟିକ ସଂଗ୍ରହ କରାଯାଇଥିଲା।
