ଗୁରୁପ୍ରିୟାରେ ଦେଶୀ ଡ଼ଙ୍ଗା ବୁଡି ଜଣେ ମୃତ।

ମାଲକାନଗିରି(କ୍ରୋନିକ ଓଡ଼ିଶା)ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକର ସ୍ୱାଭିମାନ ଅଞ୍ଚଳ ଗୁରୁପ୍ରିୟା ନଦୀରେ ଶୁକ୍ରବାର ଦିନ ଘଟିଛି ଏକ ଅଘଟଣ। ମାଛ ଧରିବା ପାଇଁ ନଦୀକୁ ଯାଇଥିବା ବେଳେ ଭାରସାମ୍ୟ ହରାଇ ଓଲଟି ପଡିଲା ଦେଶୀ ଡଙ୍ଗା। ଯାହା ଫଳରେ ମାଛ ଧରାଳି ଜଣଙ୍କ ନଦୀରେ ବୁଡି ମୃତ୍ୟୁ ଘଟି ଥିବା ସୂଚନା ମିଳିଛି । ମିଳିଥିବା ସୂଚନାନୁସାରେ ମୃତ ଯୁବକ ଜଣଙ୍କ ହେଲେ ବଳରାମ ହନ୍ତାଳ ସେ ବଡପଡ଼ା ପଂଚାୟତ ଅନ୍ତର୍ଗତ ଖୋଜୁରୀଗୁମା ଗ୍ରାମର ବାସୀନ୍ଦା ବୋଲି ଜଣାପଡ଼ିଛି।ଜାନବାଇ ସ୍ଥିତ ହାଟଗୁଡା ଘାଟରୁ ଶବକୁ ଉଦ୍ଧାର କରାଯିବା ପରେ ପରିବାରଙ୍କୁ ହସ୍ତାନ୍ତର କରାଯାଇଥିବା ଜଣାପଡିଛି।