Chronic odisha
ଚିତ୍ରକୋଣ୍ଡା(ପ୍ରକାଶ ଚନ୍ଦ୍ର ସାହୁ)ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ ଗୁଣ୍ଠାୱାଡା ଗ୍ରାମ ପଞ୍ଚାୟତର ହଂସାଗୁଡ଼ା ଗ୍ରାମର ମଧୁ କୁଇଲଙ୍ଗ(୫୭) ନାମକ ଜଣେ ବୃଦ୍ଧ ନିଖୋଜ ହୋଇଥିବା ସୂଚନା ମିଳିଛି।ସମ୍ପର୍କୀୟଙ୍କ କହିବା ଅନୁଯାୟୀ ଗତ ସେପ୍ଟେମ୍ବର ୨୭ ତାରିଖ ସନ୍ଧ୍ୟା ୪ ଘଟିକା ସମୟରେ ଦୁଇ ଅଜଣା ବ୍ୟକ୍ତି ଏକ ଧଳା ରଙ୍ଗର କେଟିଏମ ବାଇକରେ ଆସି ତାଙ୍କୁ ଡାକି ନେଇଥିଲେ। ମଧୁ ଚିତ୍ରକୋଣ୍ଡା ତଥା ସ୍ଥାନୀୟ ଅଞ୍ଚଳରେ ଦୀସାରି ବା ପୂଜାରୀ ଭାବେ କାମ କରୁଥିଲେ।ଯାହା ଫଳରେ ଆଖପାଖ ଅଞ୍ଚଳରେ ସେ ବେଶ୍ ଜଣାଶୁଣା ଥିଲେ।ସେଥିପାଇଁ ତାଙ୍କ ସମ୍ପର୍କୀୟ ଏହି ଘଟଣାକୁ ଏତେ ଗୁରୁତର ସହ ନେଇ ନ ଥିଲେ। ଦୀର୍ଘ ସମୟ ଧରି ବହୁ ଖୋଜାଖୋଜି କରିବା ପରେ ସମ୍ପର୍କୀୟ ମାନେ କୌଣସି ଖୋଜଖବର ପାଇ ନ ଥିବାରୁ ଚିତ୍ରକୋଣ୍ଡା ଥାନାରେ ଏକ ଲିଖିତ ଅଭିଯୋଗ କରିଛନ୍ତି।ଚିତ୍ରକୋଣ୍ଡା ଥାନାରେ କେସ ନମ୍ବର ୧୨/୨୪ ଅନୁଯାୟୀ ଏକ ନିରୁଦ୍ଦିଷ୍ଟ ମାମଲା ରୁଜୁ କରାଯାଇଛି । ଇତି ମଧ୍ୟରେ ୫ ଦିନ ବିତି ଯାଇଥିବା ବେଳେ ପରିବାର ଲୋକେ ଏବେ ବ୍ୟସ୍ତ ହୋଇ ପଡିଛନ୍ତି।ଯଦି କୌଣସି ସହୃଦୟ ବ୍ୟକ୍ତି ଏହି ନିଖୋଜ ବୃଦ୍ଧଙ୍କ ବିଷୟରେ ଖବର ପାଆନ୍ତି ତାହେଲେ ୯୪୯୧୦୪୦୭୮୨ ଓ ୬୭୨୦୫୫୪୬୭ ନମ୍ବରରେ ଯୋଗାଯୋଗ କରିବାକୁ ପରିବାର ପକ୍ଷରୁ ଅନୁରୋଧ କରାଯାଇଛି।
