Chronic odisha
ମାଲକାନଗିରି(କ୍ରୋନିକ ଓଡ଼ିଶା)ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ କୋଇକୋଣ୍ଡା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଫେଲ ମାରିଛି ସରକାରଙ୍କ ନିରାମୟ ମାଗଣା ସ୍ବାସ୍ଥ୍ୟ ସେବା । ମଦ୍ୟ ପାନ କରି ରୋଗୀ ସେବା ସେବା କରୁଥିବା ଡାକ୍ତରଙ୍କ ବଦଳି ଦାବୀ କରି ମେଡିକାଲ ସମ୍ମୁଖରେ ଆନ୍ଦୋଳନ କରିଛନ୍ତି ଗ୍ରାମବାସି । ଦୀର୍ଘ ଆଠ ବର୍ଷ ଧରି କୋଇକୋଣ୍ଡା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ନିୟୋଜିତ ଅଛନ୍ତି ଡାକ୍ତର ମଡାଇ ଟୁଡୁ । ଡାକ୍ତର ମଡାଇ ଟୁଡୁ ନିଜେ ଜଣେ ଆଦିବାସି ହୋଇଥିବାରୁ ଆଦିବାସି ଗାଁରେ ଥିବା ଏହି ମେଡିକାଲରେ ଆଦିବାସି ଲୋକେ ଉତ୍ତମ ସେବା ପାଇ ପାରିବେ ବୋଲି ଭାବି ଜିଲ୍ଲା ସ୍ବାସ୍ଥ୍ୟ ବିଭାଗ ତାଙ୍କୁ କୋଇକୋଣ୍ଡା ମେଡିକାଲରେ ନିଯୁକ୍ତି ଦେଇଥିଲେ । ହେଲେ ପ୍ରତିଦିନ ମଦ ପାନ କରି ନିଶାଶକ୍ତ ଅବସ୍ତାରେ ଡିଉଟି କରନ୍ତି ଡାକ୍ତର ମଡାଇ ଟୁଡୁ । ନିଷା ଅବସ୍ତାରେ ରୋଗୀଙ୍କୁ ଚିକିତ୍ସା ମଧ୍ୟ କରନ୍ତି ହେଲେ ଏବେ ଭୟରେ ରୋଗି ମାନେ ଆଉ ତାଙ୍କ ପାଖରେ ଔଷଧ କିମ୍ବା ଇଞ୍ଜେକ୍ସନ ନେବା ପାଇଁ ଯାଉ ନାହାନ୍ତି । ଅନ୍ୟ ପଟେ ସାମନ୍ୟ ଜ୍ବର, ଥଣ୍ଡା ଓ କାଶ ପାଇଁ ରୋଗିଙ୍କୁ ସରକାରି ଡାକ୍ତର ଖାନାରୁ କୌଣସି ଔଷଧ ମିଳୁନାହି । ନିଜର ଆର୍ଥୀକ ଫାଇଦା ପାଇଁ ଏମ.ଭି.୮୮ ଗାଁ ସ୍ଥିତ ଗୋଟିଏ ନିର୍ଦ୍ଧିଷ୍ଟ ଔଷଧ ଦେକାନକୁ ରୋଗିଙ୍କୁ ପଠା ଯାଉଛି । ସାମାନ୍ୟ ରୋଗ ପାଇଁ ୨ ରୁ ୩ ହଜାର ଟଙ୍କାର ଔଷଧ କିଣିବା ଲାଗି ରୋଗିଙ୍କୁ କହୁଛନ୍ତି ଡାକ୍ତର ମଡାଇ ଟୁଡୁ । ଔଷଧ ଅନ୍ୟ କୌଣସି ଦୋକାନରୁ ଆଣିଲେ ଫେରେଇ ଦେଉଛନ୍ତି ଡାକ୍ତର । ଫଳରେ ରୋଗୀ ମାନେ ନାହି ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ତେଣୁ ଡାକ୍ତରଙ୍କ ବଦଳୀ ଦାବିରେ ଏବେ ମହାରାଜପଲ୍ଲୀ ପଞ୍ଚାୟତ ଅଧୀନରେଥିବା ପାଞ୍ଚଟି ଗାଁର ଆଦିବାସୀ ଲୋକେ ଏକାଠି ହୋଇ ବୈଠକ କରିବା ସହ ଡାକ୍ତରଙ୍କ ବଦଳି ଦାବି କରିଛନ୍ତି।
